EN 
عاشت الفنانة يسرا، وزوجها رجل الأعمال خالد صالح سليم، قصة حب تشبه الروايات والأفلام، فبدأت ملامح حبهما في الظهور منذ نعومة أظافرهما، حيث كان خالد "ابن الجيران"، وشاهدته يسرا عندما كانت في السابعة من عمرها.
وحلت الفنانة يسرا ضيفة في لقاء تليفزيوني قديم والمُذاع على فضائية دريم من تقديم الإعلامي مفيد فوزي، حيث تحدثت خلال حوارها لأول مرة عن قصة زواجها من خالد سليم .
وأجابت يسرا عن سؤال:" لماذا لايظهر زوجك برفقتك في أي مناسبة عامة؟"، قائلة:" أول ما بدأت علاقتي تبان للصحافة مع خالد الصحافة شوهوا فيها كتير للأسف وطلعوا إشاعات كتير منها دول متجوزين في السر لا دول متصاحبين لا ده لو اتجوزها ابوه هيحرمه من الميراث وغيره وغيره".
وقالت:" علاقتي بخالد بترجع من واحنا عندنا 7 سنين وكنا عايشين في نفس الشارع في مصر الجديدة"، معقبة:" كنا بنلعب مع الأولى وأنا اللي علمته يلعبها ازاي وبعد كده انا كبرت ومشيت من هناك وخالد سافر وفضل بره مصر 20 سنة واتجوز ومخلفش ".
وتابعت:" وبعد سنين طويلة قبلته في الغردقة وقعدنا هزرنا وضحكنا ولا كان في دماغنا أي حاجة " ، مردفة:" هشام كان قريب ليا جدًا لأنه كان ساكن في أول الشارع اللي كنت ساكنة فيه وكنت اقبله ونتمشى سوا واحكيله كل أخباري ".
وسردت:" بعد كده حضرت فرح هشام وشوفت فيه خالد تاني وبردو كنا عادي ولا في دماغي ولا في دماغه لحد ما جه فرح بنت خالته سنة 1996 واحنا قاعدين في الفرح حصلت الشرارة وابتدت علاقتنا بس بصراحة أنا مكنتش أتوقع أن علاقتنا هتكبر اوي كده".
