EN 
قالت الفنانة سمية الخشاب، إنه بعد اشتعال الحرب الأوكرانية الروسية، والكومسيكات الساخرة من قبل البعض، ضد المرأة الأوكرانية، جعلها تشعر بالحزين، فالأمر لا يحتمل الهزار، وخاصة كوميكس "كيفية شقط الست الأوكرانية".
وقالت سمية الخشاب، خلال مداخلة هاتفية مع الإعلامية سهير جودة، ببرنامجها "الستات" المذاع على شاشة "النهار": "لازم الإنسان يكون متفاعل ويكون هناك تناغم مع المجتمع، ويدرك ما يحدث من حوله".
وأضافت سمية الخشاب: "الكوميكس اللي طالع من بعض الشباب سخيف صعب وقت الأزمات والمصايب الناس تهزر، الحكاية مش وقتها.. الحرب الروسية الأوكرانية مينفعش فيها الهزار يا جماعة الخير".
وذكرت الخشاب أن المشهد في أوكرانيا صعب للغاية، والوضع حاليا لا يحتمل، مضيفة: "لازم نتعايش ونتاغم مع المجتمع ويكون صاحي ويبص حواليه الدنيا فيها ايه.. ولازم الفنان يكون متفاعل على الأحداث اللي بتحصل حواليه، وعايزة أقول للناس التنمر والهزار مش وقته حط نفسك مكان الناس دي اللي متبهدلة وبتعاني، بطلوا هزار في المواقف دي".
