EN 
ردت الفنانة إلهام شاهين، على منتقدي مسرحية "المومس الفاضلة"، قائلة: "الجهل بقى، إنهم قالوا بيتكلموا في الجنس، رغم إنها بتتكلم عن العنصرية، مش بتتكلم خالص في أي حاجة فيها جنس، بس مفيش ثقافة! إلهام شاهين عاملة لهم قلق".
وأضافت شاهين، خلال حوارها مع الإعلامية بسمة وهبة مقدمة برنامج «العرافة»، على قناة المحور: "عندي مشاكل مع الإخوان، سجنت لهم حد وقفلت لهم قناة بحكم المحكمة، وده حكم تاريخي، بسبب عدم غلق قناة في التاريخ، وواضح إن في تار، وكل ما بقول حاجة لازم تتهاجم من غير ما يشوفوا فيها إيه".
وتابعت: "في لجان بتهاجمني، بيشتغلوا جامد أوي عليّ، ربنا يقفل السوشيال ميديا دي ويخبرها عليهم"، مؤكدةً أن مصر أكبر من أي محاولة تشويه، وبالتالي فإنها لا يمكنها تشويهها.
وحول تعرضها للهجوم بسبب أفيش مسلسل بطلوع الروح الذي تجسد دور البطولة فيه، في السباق الرمضاني: "أنا زهقت، وبطلت أرد، بقيت أضحك، هرد على مين ولا مين، في غباوة منتشرة في السوشيال ميديا، وكل بينقد بسبب صورة فوتوجرافية".
