EN 
نشر الفنان حسنى شتا صورة جديدة مع كلبه بعد سقوطه من البلكونة، وذلك عبر حسابه الشخصي على موقع تبادل الصور والفيديوهات “إنستجرام”.
و كتب حسني شتا :" الحمدلله الكلب بتاعي عمل عمليه وهيكون بخير ..شكرا لكل القلوب الرحيمه❤️ ومستغرب من بعض التعليقات اللي وصلت انها بتتمناله الموت ..!! في حين انا بتمنلهم قلوبهم يكون فيها رحمه ..الحيوان روح خلقها ربنا وهو مسئول مني والناس اللي بتقعد تقول ما انت شوف الانسان المحتاج واللي واللي .. هو حضرتك عارف انا بعمل ايه !!! الحمدلله انا متربي ان قلبي يكون فيه خير تجاه الارواح اللي خلقها ربنا .. حبيت اطمن كل الناس اللي بعتتلي واللي كان رد فعلهم كله انسانيه ..شكرا ليكم مره تانيه تسلموا يااخواتي❤️ "
يذكر أن طلب حسنى شتا من جمهوره الدعاء لكلبة معلقا : “الكلب بتاعي وقع من البلكونة في إسكندرية، وأنا دلوقتي في مدينة الإنتاج الإعلامي في القاهرة باصور.. وهيروح المستشفى لأنه مصاب إصابات خطيرة.. ممكن تتمنوله الشفاء لأني تايه وقلبي وجعني ومتوتر جدا ومش عارف أعمل إيه”.
أحدث أعمال حسنى شتا
وشارك حسنى شتا مؤخراً في مسلسل “الاختيار” الجزء الثالث الذي يعرض الآن في رمضان.
وشارك حسني شتا في مسلسل "هي" تأليف أحمد صبحي وإخراج محمد النقلي، وهو بطولة وفاء عامر، ودينا، وآيتن عامر، ومنة فضالي، وحسني شتا، وأحمد جمال سعيد، وحجاج عبد العظيم، وهاجر الشرنوبي، ومحسن صبري.
و يذكر أيضا أن شارك حسنى شتا في مسلسل "ليالينا 80"، بطولة كل من غادة عادل، وإياد نصار، وخالد الصاوي، وصابرين، ونورهان، ومحمد الشقنقيري، ومحمد عادل، ومحمد علي رزق، ومنة عرفة، وجيهان أنور، ورنا رئيس، تأليف أحمد عبد الفتاح، وإخراج أحمد صالح، إنتاج تامر مرسي.
