جمال العدل: "مش بتشرط على فنانة عشان تشتغل معايا

أكد المنتج جمال العدل، أنه لا يضع شروط للتعاون مع أي فنان، موضحًا: "مفيش حد بيتشرط على أي حد، الشغلانة دي مفيهاش شروط، بنعمل حاجة بحب جدا، عشان ننجح".

وأضاف العدل، في حواره مع الإعلامية بسمة وهبة مقدمة برنامج "العرافة"، على قناة المحور: "أنا عندي رؤية وفاهم شوية، وهم كمان نجمات كبار، فبنشوف المفروض هنعمل مشروع ازاي، وبالتالي توالي النجاحات بيخلينا نثق في بعض أكتر وبقى في مشوار مش شروط".

وتابع: "لما أقول على فنان إنه صف ثاني أو ثالث كأنه بهينه معنديش حاجة اسمها بطولة مطلقة، يسرا مش بطلة مطلقة السنة دي، معاها مي كساب وشيماء سيف وغادة عادل، وريهام حجاج معاها ناس كتير، ونيللي كريم كذلك .. مفيش حاجة اسمها بطل مطلق لأننا مش بنلعب تنس، المخرج بطل والمونتير بطل".