EN
تقدم الشاعر محمد عاطف صاحب أغنية “ حاجة مستخبية ” عبر صفحته الشخصية على موقع التواصل الاجتماعي “فيسبوك” ببلاغ الى الرقابة الإدارية.
وعلق محمد عاطف قائلاً : “ بلاغ عاجل لرجالنا الشرفاء فى هيئة الرقابة الإدارية ، نقابة الموسيقيين محتاجة تحقيق عاجل وفورى لما يدور من تحايل من الشئون القانونية للنقابه وفساد واضح من بعض أعضاء مجلس الإدارة، مش عشان موظف يتجاب له هديه والا يتعزمله ف سهره يتم إفساد الذوق العام ل مصر ولشعوبنا العربية كلها ،الموضوع ميخصش الموسيقيين وأسرهم بس، ولحضراتكم جزيل الشكر”.
وكان قد هاجم الشاعر الغنائي محمد عاطف تصريحات حسن شاكوش عن أغنية حاجة مستخبية ، خلال استضافته فى أحد البرامج التليفزيونية ليلة أمس .
وعلق الشاعر محمد عاطف عبر صفحته الشخصية على موقع التواصل الإجتماعي فيسبوك قائلاً : حسن شاكوش طلع امبارح مع الأستاذ عمرو اديب بيقول ان حاجه مستخبيه مسروقة من لحن تركى وده غلط في حق الملحن “ مدين ” وفى حق الموزع “ أحمد إبراهيم” ، أحب أوضح بس إن الغنوه تم إعادة نشرها بعدها ب فترة كبيرة وانهم في تركيا محترمين استأذنوا الأول وتم تعويضى شخصيًا كشاعر أدبيًا وماديًا ".
واستكمل محمد عاطف : عارف يعنى ايه يتكتبلك شكر خاص ب اسمك ف البوم ب اللغه التركيه ، مش حراميه ولا عندهم قلة ذوق ، ونجاح كلماتك وان غنوتك عدت غنوة حماقى (( اللى فاهم مزيكا كويس اوى ))وعملت مليار مشاهدة مش عشان انت اسطورة الجيل ، عشان الناس لقت لحن حافظاه وبتحبه عليه كلام ممنوع والممنوع مرغوب “ خمور وحشيش”.
تصريحات حسن شاكوش :
وكان قد قال مطرب المهرجانات حسن شاكوش، إن مهرجان بنت الجيران خاص به ولا يخص المطرب محمد حماقي.
وأضاف حسن شاكوش في حواره مع الإعلامي عمرو أديب في برنامج " الحكاية " المذاع على قناة " إم بي سي مصر"، :"بنت الجيران بتاعتي مش بتاعت حماقي".
وتابع حسن شاكوش:" محمد حماقي عمل أغنية اسمها حاجة مستخبية وقالوا إننا واخدين لحن بنت الجيران منها".
واكمل حسن شاكوش:" دخلنا في مفاوضات مع شركة حماقي وتوصلنا إلى تقسيم إيرادات أغنية بنت الجيران بيننا ".
ولفت حسن شاكوش:" اللي عرفته إن لحن اغنية حاجة مستخبية مسروق من لحن تركي"، مضيفا:" بنت الجيران جابت إيرادات 100 ألف دولار".
