EN
حرصت رشا سامى العدل على أحياء ذكرى والدها عبر حسابها بموقع التواصل الاجتماعي فيسبوك.
ونشرت رشا سامى العدل صورة تجمعه بوالدها وعلقت عليها :" العيد مش عيد من غيرك مالوش اي طعم بجد زاد عليه السنة دي ان ذكري وفاتك بكرة كمان و انا في دهب من غير اهل و لا أصحاب يهونوا عليا ".
وأضافت رشا العدل :"مشيت و سيبتني بدرى قوي كان لسة فيه كتير عايزة اعيشه معاك كان نفسي تبقي جمبي و اخد رأيك و نصيحتك في قراراتي مؤخرا ، مش عارفة ان صح او غلط مش عارفة اتعامل و تايهة كدة من بعدك لا عارفة أقف علي رجلي و أواجه كل الصعوبات و لا عارفة ادي الدنيا ظهرى و اكبر دماغي بقيت بخاف اخاطر ب اي قرار اذا كان في حياتي الشخصية،الأسرية او العملية".
وتابعت رشا سامى العدل :" عارف ليه ؟ علشان لما كنت عايش كان عندي الجرأة اخاطر و عارفة انك موجود توجهني لو غلطت و تقف جمبي و تدعمني لو انا صح .. وحشتني قوي يا سمسم و وحشني لمتنا علي سريرك نتكلم و نرغي و نبعت نجيب أكل و نتفرج علي فيلم او نتناقش في كتاب انت قريته او مسلسل بتحضر له وحشني حاجات كتير قوي معاك مالهاش اول من آخر لدرجة اني متغاظة منك ازاي تمشي كدة و تسيبني من غير اب و سند في الدنيا الصعبة دي .. هو مش انا دلوعتك و اول فرحتك يا حج سامي و اللا ايه طلعت قاسي قوي رغم انك كنت أطيب قلب الله يرحمك و يحسن اليك".
