EN 
إزازة المية بـ 250 جنيها في الساحل الشمالي .. كلمات عفوية جعلت الفنانة الشابة أميرة أديب حديث مواقع التواصل الإجتماعي خلال الساعات الماضية ، بعد حديثها الجرئ عن أسعار الساحل الشمالي و الغلاء الفاحش هناك ، وذلك بعد رحلة قضتها أميرة أديب في الساحل الشمالي وقررت الحديث عن تجربتها .
أمرة أديب تشكو من أسعار الساحل
قالت أميرة أديب عن أسعار الساحل الشمالي في فيديو عبر خاصية الستوري على حسابها على أنستجرام :" كان هيجيلي سكتة قلبية، في الساحل صاحبتي رايحة تجيب ماية في أحد الأماكن اللي كنا فيها، بتطلع فلوس قالها 250 جنيها ، what عشان إزازة ماية، أول مرة أجي الساحل الشمالي السنة دي، ودي كانت أول سنة برضه أسافر أكثر من مكان في الصيف خارج مصر، وصرفت في كل سفرية أقل بكتير من اللي بصرفه في الساحل".
وتابعت أميرة أديب : "أنا من الناس اللي مش بتصرف في السفر كتير، وبشوف أي طريقة أصرف أقل مصاريف ممكنة، لكن اللي بيحصل ده مهزلة فيه حاجات اكتر في مصر ممكن نعملها وبتكون أرخص بكتير" .
أميرة أديب تكشف أسرار ملابسها
وفي تصريحات أخرى للفنانة أميرة أديب، قالت في فيديو عبر خاصية الستوري :"أنا بتهزق كتير أوي لما حد يسألني التيشيرت بتاعك ده منين، أنا غالبية الحاجات اللي بجيبها بتبقى ساكند هاند، يعني بجيب لبس كان بتاع ناس قبل كده، عشان البيئة".
أضافت: "أنا مش بني آدمة بتتبسط خالص بالحاجات القيمة وكده، إني أجيب لبس غالي مش حاجة بتبسطني، اللبس بالنسبالي من أساسيات الحياة مش حاجة أنا بحبها أوي".
تابعت: "عشان كده مش بعرف معظم الوقت أقولكم لبسي ده منين لأن أنا نفسي مش عارفة هو من فين، فلو سمحتم بطلوا تهزقوني، ولما بيكون في حاجة أنا شاريها بقول والله".
من هي أميرة أديب ؟
ممثلة مصرية من مواليد محافظة القاهرة ، درست تمثيل و إخراج في مدينة لوس أنجلوس بالولايات المتحدة الأمريكية ، ونشأت في عائلة فنية، جدها من جهة الاب هو الكاتب الكبير عبدالحي أديب و جدها من جهة الأم هو المخرج المسرحي الكبير سلامة حسن.
والد الفنانة أميرة هو المخرج عادل أديب و والدتها هي الفنانة منال سلامة،و خالها الفنان شريف سلامة و عمها هو الإعلامي عمرو أديب وعماد الدين أديب.
وخاضت أميرة أديب أول تجربة في التمثيل من خلال مسلسل (ولاد ناس) 2021.
