EN 
وجه الإعلامي أحمد شوبير، رسالة إلى مجلس إدارة النادي الأهلي، بشأن مصير البرتغالي ريكاردو سواريش المدير الفني للفريق الأول.
وقال شوبير عبر برنامجه الإذاعي “مع شوبير”:" لا أعرف قرار النادي الأهلي بشأن مستقبل سواريش، البعض يقول أنه سيرحل والبعض الآخر يردد بأنه مستمر".
أضاف شوبير:" سواريش قال في المؤتمر الصحفي أمس، أنا جاي الأهلي عشان أكسب كل البطولات وهخلي شكل الأهلي كويس وأنا عارف قيمة النادي".
تابع شوبير:" سواريش يلعب بدون 20 لاعبا منهم جميع الأساسيين، ليه مستعجلين في الحكم على الراجل ما أنت خسران الدوري من بدري، يبقي أجرب وأشوف باقي اللاعبين وأحكم عليهم، وايه المشكلة لما الأهلي يخسر دوري ما هو كسبان 42 دوري، خلوا عندكم صبر شوية".
أضاف شوبير:" يا إدارات الأندية لا تستمعوا إلى السوشيال ميديا، لو أنت شايف إن سواريش مشروع مدرب كويس، ولو الزمالك حكم على فيريرا من خلال النتائج لتمت إقالته مبكرا عقب وداع دوري أبطال إفريقيا والبداية السيئة في الدوري، الفكر اتغير".
تابع:" لا تحكموا على سواريش بالنتائج، مفيش نادي بيكسب الدوري طول عمره، رصيد كبير من البطولات، أنت عايز إيه، ايه المشكلة لما نضحي وندى الفرصة لجيل جديد ونكسبه".
واصل:" جماهير الأهلي لازم تكون واعية، البعض كان يقول موسيماني لازم يمشي وبعد ما رحل بيقولوا موسيماني لازم يرجع، وبعد ما يرجع يقولوا ما قولنا يمشي، هو فيه إيه".
أشار:" بقولك لمجلس إدارة الأهلي أمامك أسبوع على نهاية الموسم، قيم الراجل ده، هل طريقة لعبه هجومية، طلع أجيال جديدة، لما الفريق يكمل هيكون ناجح ولا لا، لو لقيت هينجح يبقي يكمل، لو العكس يرحل".
اللي بيحصل غلط:
لفت:" والله العظم لو تعاقد الأهلي مع خليلوزيتش وفشل المدرب بعدها، هيقولوا سواريش كان بيصنع جيل جديد والإدارة لم تصبر عليه".
اختتم شوبير:" مينفعش اللي تعملوه ده، اللي بيحصل غلط في غلط، لازم مجلس إدارة الأهلي والأعضاء والجماهير يدوا فرصة، التي بتعلموه ده غلط في غلط، أتمنى تكون رسالتي وصلت".
