EN 
رصدت الإعلامية مفيدة شيحة، في برنامجها الستات، المذاع عبر قناة النهار وان، مساء اليوم السبت، فقرة عن حالة الجدل حول مسؤلية المرأة اتجاه زوجها.
وخلال الفقرة قالت مفيدة شيحة، إن دار جدل واسع خلال اليومين اللي فاتوا بشأن المرأة ملزمة بايه وغير ملزمة بأية! ، و دا حصل بعد كام بوست كتبته ا/ نهاد ابو القمصان و د/ هبة قطب و د/ سعد الدين الهلالي و د/ سعاد صالح.
وأوضحت مفيدة شيحة، أن نهاد أبو القمصان، قالت أيضا بعد اتساع الجدل : اللي شايف آيات اجر الرضاعة معيبة للأم و فكرة الأمومة؛ يا ريت تغيروا قانون الولاية لو بتحترموا الأم أوي كدا!، والأم اللي ملهاش قيمة في اي ورق رسمي لا تقدر تستخرج شهادة ميلاد و لا بطاقة لأولادها و لا تقدم في مدرسة او تصريح بعملية لإنقاذ حياتهم وغيره وغيره! ".
وتابعت مفيدة شيحة، الحقيقة يمكن الموضوع اخد اكبر من حجمه بكتير و خرج عن السياق بتاعه، و اتحط في سياقات كتير مختلفة، وبقى كل من هب و دب بيتكلم فيه و يفتي، ومش كل تريند يظهر يصح ان كل الناس تتفاعل معاه بكل الفوضوية دي! دا غير إن مش معقول كل الناس متخصصة في كل حاجة".
واكملت مفيدة شيحة،: "الطريقة اللي يدار بيها النقاش بعشوائية وعلى المشاع كده، ماتوصلناش كلنا لأي تفكير منظم و سليم خصوصاً في القضايا الأساسية في الحياة".
