سوّدوا البيبي | أمّ تشعل فيسبوك بسبب منشور عن تربية الأطفال ..شاهد

انتشر علي السوشيال ميديا منشور أثار الجدل عن الأمومة وعن حياة الأطفال بجميع المراحل واحتياجات المواليد والتغير الكبير بين التربية القديمة والتربية الحديثة. 

وكتبت صاحبة المنشور المتداول "يعني ياربي 7000 سنة كانو بيأكلو الاطفال البسكوت بالشاي ويدب طبق السيريلاك ينامولهم 60 ساعة وتلاقى الطفل ماشاء الله 7 ولا 8 شهور حمار صغير كدة مقلبظ ماشي فجأة بقي كل دول غلط وفيهم سكريات ومواد حافظة وقولت ماشي صحة بنتك بالدنيا يابت كانو بيستخدمو بودرة أطفال أو زيت زيتون ويليطو ويحطو الكافولة أو البامبرز والعيل زي الفل عادي فجاة بقي في كريم ألماني والباني وسودو البيبي وقولت وماله بشرة بنتك أهم من أي حاجة طول عمرها إسمها عربية أطفال و200 جنيه مرسيدس كدة فجأة بقت استرولر وبكام الف وقولت يابت ومالو خلي بنتك تتبسط وبرضه مقعدتش فيها طول عمري عارفة إن إسمها مشاية وبتتباع ببلاش او ب 100 أجدعها واحدة فجأة بقت باونسر و ب 600 و 800 وقولنا وماله أهي تحمي البت بس برضه بتقع منها كانت علي أيامنا إسمها قصرية والعيل يقعد فيها وهو كام شهر ويتلسع بالشامعة دلوقت بقت بوتي وليها تدريب كمان وبتبدا من سنتين وإنت طالع كانت الام علي طول قاعدة والشبشب لازق فيها عشان لو العيل عمل حاجة تحدفه عليه علي طول يجيله ارتجاج وحبه ويقوم يلعب عادي جدا بقي فجأة في تربية ايجابيه وضبط نفس وحاجات عجيبة كدة تخلي الام مقهورة دايما ليه يا جماعة الكام سنة إللي قرمط بقي فيهم أم بقت الأمومة صعبة كدة.