EN 
قام أحد المواطنين بالسلام بنشر منشور على مواقع التواصل الاجتماعي "فيس بوك"، يوضح من خلاله قصة الشاب طه المنسي والذي قام بفتح أحد المحال للتجارة بجواره قائلا:" مساء الخير على أهل السلام المحترمين الراجل اللي في الصورة ده شاب ثلاثيني لسه ماجر محل من شهر تقريبا لبيع الخضروات والفاكهة المهم أنا علشان ساكن جنبه كل يوم ألاقيه بيفتح من ٥ الفجر تقريبا لحد الساعة ١١ بالليل من أسبوعين صعب عليا لما شوفته بيرمي البضاعة اللي هو اشتراها علشان تقريبا من أول أسبوعين ماحدش كان يعرف أنه فاتح يسترزق من الخضار والفاكهة فالحاجة باظت واضطر يرميها".
وأضاف:"دلوقتي نزلت اشتري من عنده لقيته زعلان فقولتله معلش اصبر وإن شاء الله ربنا هيكرمك فانا على اد ما قدرت اشتريت من عنده وحاجته حلوة والله وبنفس سعر سوق الأنصاري تقريبا فخايف الحاجة اللي عنده برضه تبوظ ويضطر يرميها فياريت اللي يقدر ينزل يشتري حتى لو حاجة بسيطة من عنده نشجعه بدل حرام الفلوس والبضاعة اللي بيترموا".
وتابع:"هو مكانه في أول شارع عمر من ناحية الشبراوي خامس عمارة على الشمال لونها أصفر هو فاتح تحتها جنبه كهربائي وربنا يجازيكم كل خير".
وبعد إطلاق الحملة بساعات قليلة شهد محل "فكهاني السويس" إقبالًا كبيرًا من المواطنين لدعم البائع والشراء منه، حيث يقول طه بأنه تفاجأ عندما شاهد الإقبال الكبير على المحل بعد حالة الركود خلال الأيام الماضية قائلا: "كنت بوقف الناس أسألهم هو في حاجة؟! مكنتش فاهم إيه اللي بيحصل، وبشكر اللي كان سبب في دا.
