EN 
قال الرئيس السيسي: “ ان ملقتوش الدولة دي دخلها بيقفز ويتضاعف كل 3 أو 4 سنين على الأقل.. الكلام ده بقعد أقوله لدكتور مصطفى (رئيس الوزراء).. كل لما يتكلموا.. اقولهم ولا حاجة اللي احنا فيه صعب اوي.. الرقم اللي انتو جايين فرحانين بيه ده.. احنا مش عايزين نضحك”.
وأضاف “السيسي” خلال كلمته في الجلسة الختامية للمؤتمر الاقتصادي:" قولولي كلام يقدر يحل البلد ويبقى ليها مكانة ويطلع بيها قدام وسط الأمم.. عايزين البلد دي تطلع قدام؟ .. لازم كلنا مع بعض نقف نحشد ونشتغل".
وفي سياق متصل، قال الرئيس السيسي:"السياق الإعلامي مش في خدمة الرئيس .. السياق الإعلامي لخدمة الفكرة"، متابعًا: “انت عايز توحد الجهود.. أدبيات التعامل مع هذا الواقع في الظروف اللي كانت بتمر بيها مصر مكنتش مناسبة”.
وتابع :" اديكوا مثال على هذه النقطة.. كنا بنتكلم على أهمية تصويب وإصلاح الخطاب الديني.. قلت ياجماعة الواقع اللي بنشوفه في منطقتنا والفهم والممارسات الدينية الموجودة في بلادنا تحتاج إعادة طرح فهم عصري".
