وعدها بالزواج وبشيكولاتة كتير .. جدل بالسوشيال ميديا بسبب جواب تلميذ لـ"ميس روان"

يشهد موقع التواصل الاجتماعي فيس بوك ، تداولا لصورة مثيرة للجدل لـ "خطاب" كتبه تلميذ يدعى "عمر" لمعلمته "ميس روان" ، ليعبر فيها عن حبه لها .

حيث جاء نص الخطاب كالتالي :

في يوم من الأيام كنت صغير حبيت بنت كبيرة شوية بقت هي قلبي كله و روحي ، البنت دي اسمها "ميس روان" ، كمان انا مش بفهم من حد تاني غيرها وحبيت الانجليزي وبقيت شاطر فيه ، انا عارف ان هي كمان بتحبني ومش بحب ازعلها ابدا .. انا كل يوم قبل الافطار بدعي اكبر علشان اتجوزها وتفضل معايا على طول ، بس ماما قالت لي هي هتتجوز رجل غيري .

واضاف التلميذ في رسالته : لو مش موافقة بيا اكتبي لي خلف الجواب كلمة NO  .. اتمنى توافقي وانا هستأذن بابا واجيب لك خاتم ألماظ وشيكولاتة كتير".

وقد تفاعل رواد موقع التواصل الاجتماعي فيس بوك مع هذا الخطاب ، حيث قالت ندا طه : و الله يا ابنى انت عملت ال الرجالة الكبيرة معملتوش عنده ذوق فى الكلام.

وقالت إيمان توكل : حاولي متكبريش يا مس روان.

بينما قالت  نورهان هشام : يالهوي على العيال  لسه مطلعوش من البيضة ويحبوا الطفولة ضاعت خلاص

ووصفته هاجر صابر، بأنه دنجوان منذ الصغر.

وقالت ثناء علي : عادي رئيس وزراء فرنسا تزوج مدرسته.