EN 
هاجم الإعلامي محمد الباز، اتحاد الكرة المصري؛ بعد فوز منتخب المغرب على البرتغال، والصعود إلى الدور نصف النهائي في بطولة كأس العالم 2022 في قطر.
وقال الباز خلال برنامج "آخر النهار" والمذاع عبر قناة "النهار،:" تبص علي المغرب وتسأل احنا فين؟، روحنا فين؟ مصر بلاعبيها وتاريخها الكبير؟".
وتابع الباز،:"الواحد فرحان للمغرب، ولكن لازم نغير، ومش عارف اتحاد الكرة عندنا عنده دم ولا إيه الحكاية؟"، متسائلا: “المسئولين والعاملين باتحاد الكرة، بيناموا مستريحين بعد إنجازات المغرب؟”.
وأضاف الباز،:" نجاح المغرب مش صدفة ولكن وراه منظومة عمل كبيرة، معقبا:" محدش سأل نفسه ليه إحنا كده؟، ومين المسئول عن حالة الاستهتار دي المسيطرة علينا في مصر دي".
وأكمل الباز،: “في اللحظة اللي فرحانين فيها بانتصار المغرب؛ لازم تدور على الناس اللي وصلونا للمرحلة دي”، مضيفا: “اتحاد الكرة بعد إنجازات المغرب؛ زي ما محمد هنيدي، قال: وأنا عامله نفسي نايمه”.
