رانيا فريد شوقى تكشف سر حماس والدها لإنتاج فيلم جعلونى مجرما

كشفت الفنانة رانيا فريد شوقي عن أسباب إقدام والدها ملك الترسو فريد شوقى على انتاج فيلم “جعلوني مجرمًا” حيث بدأت  القصة أثناء زيارته لشقية اللواء أحمد شوقي في إصلاحية الأحداث في القناطر الخيرية.

وقالت رانيا فريد شوقي عبر صفحتها على موقع التواصل الاجتماعى فيسبوك من لقاء والدها في برنامج “لسه فاكر”: “فيلم (جعلوني مجرما حضرتك مش بس البطل فيه لكن المنتج كمان، عايزين نعرف إزاي بدأت قصته ؟، أنا أخويا اللوا أحمد شوقي الله يرحمه كان ظابط لسه بنجمة واحدة في إصلاحية الأحداث في القناطر الخيرية، كنت بزور أحمد فلفت انتباهي الولاد دول فتعمقت في الموضوع، قالولي دول أولاد نشال في تروماي، نشال في أتوبيس، مرات أب جايبة ولد هنا، أب سكير بيتجوز فيجيب ابنه هنا، فيهم يعني أولاد مظلومة، الأطفال كانوا بيدخلوا يتعلموا حرفة، نسيج، نجارة، لكن معظمهم للأسف مبيتعلموش وبيخشوا جوه بيبوظوا أكتر أنا شفت ده بعنيّ”.

واضافت رانيا فريد شوقى : يخرج من الإصلاحية معاه حاجة اسمها الشهادة الصفرا مثلا وقد كان نجار يروح يدور على شغل يسألوه اتعلمت فين؟ يوريهم الشهادة يكشوا منه يعمل إيه الولد ده؟ يرجع تاني للسرقة منهم بيعانوا عناء فظيع لأنه عايز يتوب بس مش لاقي طريق للاستقامة إطلاقا، خرجت كتبت لأول مرة، وساعدني العظيم سيد بدير، ولأول مرة أجيب الأستاذ الكبير نجيب محفوظ، بقينا نلتقي أنا وسيد بدير ونجيب محفوظ وعاطف سالم المخرج، سنة كل أسبوع ٤ أيام كعشق كإني بقابل حبيبتي في الكازينو، في الآخر بعد ما قفلنا السيناريو كان باقي آخر قسط لنجيب محفوظ، بديله الظرف لقيته بيرجعهولي وبيقولي لأ، أنا لو معايا فلوس كنت رجعت كل اللي أخدته وحطيت عليه كمان لأني شاركت في هذا الفيلم، جزء من لقاء الفنان فريد شوقي في برنامج لسه فاكر".