نظرية المؤامرة.. كريم العدل يشن هجوما على منتقدي منى زكي

حرص المخرج كريم العدل، على دعم الفنانة  منى زكى بعد الهجوم عليها بسبب بوستر مسلسل "تحت الوصاية". 

وكتب كريم العدل، على حسابه بفيسبوك "دي تويتة وقعت قصادي بالصدفة.. بس الموضوع ده غريب جدا والله .. يعني اولا الجمال ده شيء نسبي .. لو انتي شايفة ان منى زكي كده وحشة، ف دي رؤيتك انتي".

 وأضاف "انا ممكن اشوفها حلوة عادي.. هى يا جماعة نيكول كيدمان لما بوظت مناخيرها علشان دور، ولا توم كروز لما طلع بكرش و اصلع، كانوا بيعملوا كده علشان عايزين يقولوا ان فيه فئة معينة شكلها وحش؟!! مش منطق ابداً والله".

وتابع "ثانيا، انا حقيقي مش فاهم ايه علاقة التعليم بالموضوع عامة ثالثا، هل ده معناه ان كل المحجبات قمرات ومافيهومش ولا واحدة وحشة؟ مش منطقي.. وتاني نرجع نقول ده شيء نسبي يختلف من شخص للتاني".

وأوضح "رابعا بقى، منى زكي مسلسلها بنسبة كبيرة عن شخصية حقيقية، وبيحاولوا يقربوا بالشكل.. اصلا بقى".

واختتم: "بجد الناس بقت بتحمل الفن و الدراما فوق طاقته.. و بياخدوا كل حاجة بشكل شخصي جدا.. و طول الوقت عندهم نظرية المؤامرة، وكل واحد ولا واحدة يطلع يقول لك الكلمة اللذيذة بتاعة "السم في العسل" استهدوا بالله كده يا جماعة بجد".

طرح البرومو التشويقي لـ مسلسل تحت الوصاية، بطولة الفنانة منى زكي، تمهيدًا لعرضه في الماراثون الرمضاني 2023.

وبدأ العد التنازلي لشهر رمضان الكريم ، حيث تعاقدت عدد من المنصات على عرض مسلسل تحت الوصاية في مصر ، والذي تقوم ببطولته الفنانه مني زكي.

ومن المقرر عرض مسلسل تحت الوصاية من بطولة مني زكي علي منصة watch it المصرية ، بالإضافة إلى منصة شاهد السعودية ، والتي حصلت على حقوق شراءه في مصر بجانب الدول العربية .  

قصة مسلسل تحت الوصاية 

قصة المسلسل مأخوذة من الواقع، وتدور أحداثها في إطار الدراما الاجتماعية، حول شخصية امرأة تدعى حنان (منى زكي)، وهي أم لابن بعمر 9 سنوات وطفلة رضيعة، وترعاهم بعد وفاة زوجها وسط صعوبات تواجهها بمفردها.

أبطال مسلسل تحت الوصاية

مسلسل “تحت الوصاية” يشارك في بطولته مع منى زكي كل من  نسرين أمين، ثراء جبيل، دياب، مها نصار، محمد عبد العظيم، خالد كمال، رشدي الشامي، وعدد كبير من الفنانين.

تحت الوصاية من إخراج محمد شاكر خضير، وتأليف شيرين دياب وخالد دياب، ويتكون من 15 حلقة.