تامر أمين لـ محمود الخطيب: القماشة اللي عندك مش هتديك| شاهد

قدم الإعلامي  تامر أمين  رسائل قوية لإدارة النادي الأهلي، والكابتن محمود الخطيب رئيس النادي الأهلي.

وقال الإعلامي تامر أمين ، خلال برنامجه " أخر النهار " ، والمذاع على فضائية " النهار " : " اللي هقوله ده اجتهاد من مشجع أهلاوي وروشته يمكن استخدامها للخروج من الأزمة التي وصلت لذروتها في مباراة صن داونز  ورسالتي لمحمود الخطيب باعتباره رب النادي الأهلي".

وتابع "أمين": الهدوء والحكمة وضبط النفس مطلوبين وسمة مهمة للإدارة الناجحة ولكن معاهم التدخل العاجل وقت الأزمة من أهم ضروريات الإدارة الناجحة .. الصبر والدعم والتشجيع مهمين وضروريين طول الوقت لكن كمان التغير للأفضل مطلوب لما تعرف أنك محتاج تغير .. والقماشة اللي عند مش هتديك أكتر من كده".

وأردف : صحيح أهل الثقة يشعروك بالأمان ومع وجودهم لازم وجود أهل الكفاءة وأهل الثقة وكرة القدم وآلياتها تغيرت ومفاهيمها تغيرت وطريقة اختيار اللاعبين تغيرت وعشان كده مهندسي كرة النادي الأهلي لازم يتغيروا ويبقوا أكثر تطورا وتحديثا".