شيماء سيف: ندمت ندم عمري على قيامي بهذا الأمر

حلت الفنانة شيماء سيف، ضيفة ببرنامج "أنا والقناع"، تقديم الإعلامية منى عبد الوهاب، المذاع على قناة "الحياة"، وتحدثت خلال اللقاء عن حياتها الشخصية والمهنية.

وتحدثت "شيماء سيف" عن تأثير السوشيال ميديا في حياتها، قائلة: "كنت بنشر كل تفاصيل حياتي ومشاكلي على السوشيال ميديا، بس بطلت، وندمت ندم شديد، وأنا كنت فاهمة غلط".

وعن علاقتها بزوجها؛ قالت: "إحنا الاتنين برج الأسد، فقلبتنا مع بعض بتكون حاجة صعبة، واتعلمنا مع الوقت، مفيش داعي نعمل خناقة نندم عليها"، متابعة: "لما بنتخانق؛ بنبعد وقت، وبنرجع آخر اليوم ونهدى".

واسترسلت:" لما بنبقى زعلانين؛ بنضحَّك بعض، واللي يضحك يبقى اتصالح"، مضيفة: "لازم اللي جوا البيت يفضل جوا.. ومايظهرش برا على السوشيال ميديا".