الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

صورني بدون ملابس.. اعترافات ضحية أكتوبر: رفضت ممارسة الرذيلة مع رباب وإيمان وسرقوني

صدى البلد

أحال المحامي العام الأول لنيابة أكتوبر الكلية رجلين و3 سيدات إلى محكمة الجنايات لاتهامهم بتصوير مقاطع فيديوهات لرجل عارٍ وفي أوضاع مخلة بالآداب والاستيلاء على ممتلكاته من العقارات والأموال والسيارات تحت تهديد السلاح واستمعت النيابة إلى اقوال المجني عليه:

س / ما معلوماتك بشأن الواقعة محل التحقيق و تفصيلات شكواك ؟

ج/ اللي حصل أن يوم الخميس قابلت واحدة أعرفها اسمها إيمان عند کوبری مسطرد واحنا ساعتها كنا متفقين أن أنا أوريها الأرض بتاعتى اللي موجودة في الخمايل علشان أنا كنت هابنيها وقالتلي أنا عاوزة أخد محل فيها وفعلاً روحنا وشافت الأرض وبعد كده قالتلى تعالى هنروح نقعد عند واحده صاحبتي في فيلا في غرب سوميد نسهر هناك شوية فقالتلي أن صاحبتی هتستنانا عند محل للوجبات السريعة في الحصري وفعلا روحنا هناك ولقيت صاحبتها راكبة عربية هيونداي ألنترا فضي وومشيت وراها بالعربية ووصلنا عند الفيلا اللي بتقول عليها بتاعتها ووطلعنا الفيلا أنا وإيمان وصاحبتها وفرجتنا على الفيلا.

تحت تهديد السلاح 

وبعد كده، لقيت واحدة ثالثة دخلت الفيلا صاحبتهم وقعدنا في الليفنج نتكلم ونحكى وبعد كده طلعت أنا وواحدة غير إيمان وقعدنا في أوضة لوحدنا وأول لما دخلت الأوضة سمعت صوت عند البلكونة وأول لما فتحت البلكونة لقيت واحد واقف فيها ومسك فيا وبعد كده لقيت باب الأوضة اتفتحت ودخل منها أثنين ومسكو فيا وكان مع الاتنين دول مسدسات وواحد فيهم كان معاه سلاح أبيض وثبتونى ووقعوني على الأرض وقعدو يضربو فيا بالأقلام والشلاليت وساعتها واحد فيهم ضربني بضهر المسدس على كتافي وعلى دماغى من فوق وبعد كده أخدوني وودوني أوضة تانية وخلوني أقلع هدومي كلها وكانو بيهددوني بالمسدسات معاهم وبالضرب بإيديهم على جسمى وفعلا قلعت هدومي كلها وبقيت عريان.

إيصالات أمانة 

 وبعد كده لقيت البنتين اللي كانو موجودين غير إيمان دخلوا الأوضة وكانت واحده فيهم عريانة وكانوا عيزني أتصور مع الاثنين في مواضع قليلة الأدب بس أنا رفضت وسايرتهم وقولتلهم هتصور مع واحدة بس وفعلاً أجبروني أن أنا أنام على ضهرى_والبنت تبقى فوقيا وكان واحد ساعتها بيصورني وأجبروني إني انام على بطني ونفس البنت بردو وصوروني وبعد كده واحد فيهم اسمه ممدوح جاب المسدس اللي كان معاه ونغزني بيه وبعد كده واحد فيهم خلاني ألبس البوكسر بتاعى وجبلی دفتر إيصالات امانة ومضاني عليه كله وبصمت عليه وجابلى عقود كتير وقاللي دول عقود شقق عندك هتبعهم وخلاني أمضى عليهم وجبلى عقد بيع سيارة ومضيت عليهم وبعد كده خدونی علی الليفنج في نفس الدور وكانو جايبين بيرة وكانوا جيبين مخدرات كتير وكانو عايزني أشرب معاهم بس أنا توهتمهم في الكلام وبعد كده قعدو يقولولى هتدفع ثلاثة مليون جنيه علشان نديك الصور اللي أحنا صورنهالك وواحد يقولي هات عشرين ألف جنيه وأنا أديك الصور وبعد كدا ادونی هدومي وخدوا عربیتی ومشيت وإیمان اصرت آنها تركب معايا وإنى اوصلها وساعتها اكتشفت أن الفلوس اللي كانت معايا أخدوها وكان في مبلغ عشرين ألف جنيه وملقتهمش في العربية وهما اللي سرقوة علشان واحد فيهم لم إنا كنت فوق أخد مفتاح العربية وفتش فيها وإيمان طول لما كنا في الطريق كانت تقول ادفعلهم الفلوس علشان ميفضحكش. 

اختطاف بالتحايل 

جاء بأمر الإحالة أن المتهمين محمد وممدوح وإيمان وياسمين ورباب  خطفوا بالتحايل المجني عليه محمود محمد السيد محمد إذ اتفقوا فيما بينهم علي مشروع إجرامي يتضمن اختطاف المجني عليه لسرقته وإكراهه على تحرير سندات مثبته لدين، ووضعوا "لذلك مخططا محكما، بدأوا تنفيذه باستدراج الثالثة له إلى حيث تقطن الرابعة عمارة 5 بأكتوبر-لعلاقة سابقة فيما بينه والمتهمة الثالثة، وما أن وصل للمسكن وانفرد بالخامسة حتى باغته الأول والثاني مشهرين بوجهه أسلحة نارية وبيضاء محل التهمتين الرابعة والخامسة متعدين عليه بالضرب محدثين ما به من إصابات - أبانها التقرير الطبي، فانصاع لهم، وتمكنوا بتلك الطريقة من إقصاءه عن من يذود.