نكهه افرنجي..كتاب ساخر للكاتب احمد نصر عن دار الحلم

أصدرت دار الحلم للنشر والتوزيع كتاب "نكهه افرنجي" للكاتب احمد نصر، وهو كتاب ساخر عن العادات والموروثات الاجتماعية الخاطئة.

نبذه عن الكتاب و فكرته:
 

نقد ساخر يهدف لدعوة القراء للتفكير في العادات و الموروثات الاجتماعيه الخاطئه المنتشره داخل المجتمع و محاوله فك "عقدة الخواجه" و التي توغلت بشدة داخل افكارنا و معتقداتنا الاجتماعيه و ادت الي طمس الهويه و تشويه اللغة  والعادات و التقاليد   حتي اصبح اتقان التحدث باللغه الانجليزيه هو عنوان درجة الوجاهه الاجتماعيه و تزيد هذه الدرجه اذا صاحبها اظهار عدم اتقان التحدث بالعربية
يتناول الكاتب توصيل تلك الرسائل عن طريق مجموعه من المواقف (بعضها مبني علي احداث حقيقيه) تروي باللغه العامية  في اطار كوميدي ساخر
 

ناضل من أجل الحرية وخانه أصدقاؤه.. قصة الثائر تشي جيفارا

"البيطري الصغير" في رحلة إلى عالم الحيوان بمكتبة مصر الجديدة.. غدا

مقتطفات من الكتاب: 
 

قواعد الانضمام للرابطة "الكيوتيه" :-
شيلي حرف الـ "ص" في اي كلمه و حطي مكانه حرف الـ "س", معروف طبعا ان حرف ال "ص" ده مش كيوت "خالس اسلا" 
دخلي كلام انجليزي كتير و انتي بتتكلمي, و تيجي عند كلمه معينه و بيّني انك بتحاولي تجيبي معناها بالعربي بس العربي بتاعك مش ساعفك يا حبة عيني, ده علي اساس انك مواليد "نيويورك المحطه" و متربيه علي شواطيء "ميامي" و مصلحة الجوازات و الهجره الامريكيه بيكلموكي كل يوم علشان تيجي تستلمي "البازابورت" الامريكاني بتاعك من عند مدام "عفاف ماكدونالدز" اللي في الدور التالت 
اجتماعات "الفراخ":- 
عندهم بيشتغلوا الشغلانه اللي هما بيحبوها علشان ينتجوا و يبدعوا لكن "حب ما تعمل حتي تعمل ما تحب" ده قانون خالتك "انصاف" اللي قالته من قهرتها لما جوزها الحاج "عبد الكريم" اتجوز عليها "مريم بنت ام مريم" جارتهم اللي في الطوابق بعد ما عجبه الرز بلبن اللي هي بتعمله 
عندهم بيعملوا اجتماعات لغرض و هدف و وقت محددين, لكن احنا ماشيين بنظام "اجتماعات الفراخ" و هي عباره عن اجتماعات بالساعات في مكان شيك و كبير اوي, كل واحد بيدخل بالـ "لابتوب" بتاعه و يفضلوا يقولوا مصطلحات انجليزي و تحليلات و ايميلات و ليله كبيره اوي سعادتك و في الاخر يخلصوا الاجتماع من غير ما اي حد يستفيد اي حاجه 
حار جاف صيفا:- 
الموضوع تطور الي انهم بقوا يلبسوا مايوهات و ما ينزلوش البحر و بدأوا يطبقوا نظرية "حار جاف صيفا" يعني يلبسوا بيكيني حارمن غير ولا نقطه مياه علي الشعر او الجسم ,مكلفين نفسهم و قالعين الفساتين اللي من "زارا" ولابسين المايوهات ال "سبيدو" و في الاخر ما ينزلوش البحر؟ طيب بيقلعوا ليه؟! فين السعاده و الفرح و المرح اللي في الموضوع عايز افهم؟! مفهوم طبعا ان الرجاله بيبقوا مبسوطين و هما  لابسين النضاره الشمس علشان ماحدش ياخد باله من اتجاه "القرنيه" و هما قاعدين يتفرجوا علي الحاجات اللي ماشيه تلعلط قدامهم, لكن اللي بيقلعوا دول بيستفيدوا ايه؟! 
 

نبذه عن الكاتب:
 

تخرج الكاتب احمد نصر من كلية الحقوق جامعة القاهره, اكتشف موهبته في الكتابه في سن مبكرعندما كتب اول قصيدة  شعرية له و هو في الثالثه عشر من عمره ثم اعقب ذلك كتاباته التي اتسمت بالنقد الساخر اثناء دراسته الثانويه و الجامعيه, واصل الكتابه كهاو اثناء فترة عمله بمجال الاتصالات و تكنولوجيا المعلومات قبل ان يقررالتفرغ لعمله الخاص و الكتابه و اصداراول كتاب نقد ساخر له تحت اسم "نكهه افرنجي"