EN 
احتل الإعلامي والبلوجر الشهير خالد جواد التريند عبر مواقع التواصل الاجتماعي بعد انتشار صوره وهو يضع ضمادة طبيه على عينه، ما طرح الكثير من التساؤلات حول سبب تلك الإصابة، وماذا حدث له؟
ماذا حدث لـ خالد جواد؟
ظهر البلوجر خالد جواد في صورة عبر موقع التواصل الاجتماعي لتبادل الصور والفيديوهات «انستجرام»، وهو يضع ضماده طبية على عينه، موضحًا تعرضه لإصابته بالتهابات في العصب الحسي والتهاب حاد في عصب المخ، مما جعلته غير قادر على التحكم في أعصاب وجهه، ما أثر على عينه أيضًا.
كتب خالد جواد معلقًا على صورته قائلاً:
« من 10 أيام حصل مشكلة كده وزعلت جدًا واتضايقت ونمت وآنا حقيقي تعبان من الزعل.. من فضل ربنا اني صحيت تاني يوم الصبح الحمد لله، بس صحيت نص وشي واقف تمامًا “الجانب الأيسر” بما فيهم العين، وده اتسبب في أن عيني مبتقفلش الجفن ولا بتفتحه وده بسبب تعطيل كلي في العصب الحسي والتهاب حاد في عصب المخ المسئول عن تحريك أعصاب الوجه علشان كده دكاتره المخ والأعصاب ودكاترة الرمد نصحوني اني أغطي عيني علشان القرنية بتضعف وده هيدخلنا في مشاكل تانية».
وتابع جواد في منشوره: « أنا الحمد لله كويس جدًا، وده ابتلاء من الله سبحانه وتعالى علشان يفوقني ويقولي ركز في امتحانك شوية، ابتلاء وبياخد وقته مع العلاج والتمارين والحمدلله انا راضي جدًا من اللي حصل كدرس اتعلم منه عدم الزعل! بفكركم وبفكر نفسي، إن كل واحد ليه امتحان في الدنيا، ركز في امتحانك وافرح لنجاحاتك وخطط للحظات وقوعك واتعلم منها وعدي بيها ملكش دعوة بإمتحان غيرك، متزعلش من حد ولا على حد ولا حتى تزعل من أو على نفسك، اتبسط واحمد ربنا واشتغل واعمل خير وبر والديك ما استطعت واسعى في الخير ما استطعت، اكنك بالضبط عربيتك واقفة في الصحرا وواحد صاحب كلمك قالك الحقني انا عربيتي عطلانه تعلالي، فا تسيب شغلك وهمك ومشاكلك علشان تروح تمتحن امتحان غيرك».
واختتم خالد جواد حديثه: « ركز في امتحانك وسيب الناس تركز في امتحانها الدنيوي، مش بقولك تبقى اناني ومنحط لا بالعكس استعى بالخير، بس متبقاش انتبايظ وتروح تصلح غيرك وتنصحه وتسأل عمل ايه وتنسى نفسك اللي ليها حق عليك، ومن أهم قواعد الرضا وعدم الإكتئاب هو انك تسامح وتسامح من قلبك لإن الزعل يعطي الشعور بالقلق أو التململ أو العصيبية، والبطء في التفكير أو التحدث أو تعطل حركات الجسم.. الشعور بانعدام القيمة الذاتية أو الذنب أو تركيز التفكير على الإخفاقات السابقة أو إلقاء اللوم على النفس الأشياء خارجة عن إرادتك.. وجود صعوبة في التفكير والتركيز واتخاذ القرارات وتذكر الأشياء.. الخ».
