انت عندي زي ما أنا عندك.. بسمة بوسيل ترد على تعليق تامر حسني

نشرت الفنانة بسمة بوسيل، تعليقا عبر حسابها على موقع التواصل الاجتماعى إنستجرام وتحديدا عبر خاصية الاستورى ترد فيه على تامر حسنى بعد رسالته لها. 

وقالت بسمة بوسيل : "يا تيمو أنت كمان عندي زي ما أنا عندك وربنا يوفقك في شغلك".

وعلق تامر حسنى، عبر حسابه على موقع التواصل الاجتماعى إنستجرام: ملاحظ إن في بعض التعليقات كل ما أنزل موضوع أغنية أو هزار معاكم، بعض الناس بيربطوه بحياتي الشخصية، ده غلط يا جماعة، أولا مش أنا اللي ممكن أعمل كده .. رغم الظروف الحالية ... مازلت أكن لبسمة كل الحب والاحترام، ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدا دلوقتي ولو طلبت عنيا مش هتأخر".

وأضاف تامر حسنى : تاني حاجة أنا بحب أهزر معاكم دايمًا من يوم طلوعي لو في أغنية أو نكتة حلوة أو إفيه حضر في دماغي أنا على طبيعتي معاكم، ثالث حاجة الفنان الحقيقي اللي بيعبر عن مشاعر كل الناس في كل حالاتهم، يعني أنا بفرح لما بلاقي أغانيا بتغنوها وإحساسها واصلكم، لأني بتعب عشان أكتب الكلام اللي نفسكم تقولوه إنتوا .. ده لسة في أغاني توجع أوي نازلة قريب إن شاء الله.. كده مش هنزلها".

أول ظهور إعلامى.. ماذا قالت نيكول سعفان عن زوجها طارق العريان ؟

إيرادات الأفلام.. كريم عبد العزيز يتفوق على الجميع

تامر حسنى

وأشاد الفنان تامر حسني، بمستوى تنظيم حفله ضمن مهرجان العالم علمين في مدينة العلمين الجديدة، وذلك عبر حسابه على موقع التواصل الاجتماعي تويتر.

وكتب تامر حسني: “‏يمكن قولت كتير على حفلات انها من احلى حفلات حياتي بس حفلة العلمين امبارح بجد هي احلى و اهم حفلة عملتها في مشواري الفني كله من اول دخلة الحفلة بالطيران على كل هذا الارتفاع و اللوحة الخاصة بكل اغنيه بغنيها وعروض استعراضية متناسقة مع  كل الجرافيكس المعروض على الشاشات المتناسق ايضاً  مع ابهار الالعاب النارية اللي بيعبر عن كل حرف في اي أغنية   بغنيها ، بجد الحفلة دي كان وراها ناس كتير مخلصة و بتحب شغلها و قبل اي شيء حابين بعض و حابين الخير لبعض عشان كده طلعنا بالنجاح الجماهيري الخرافي ده والنجاح المسرحي التاريخي ده.. شكراً جمهورنا الراقي.. شكراً صناع الحفلة شكراً لاختياري لافتتاح مهرجان العلمين ”.

تفاصيل حفل تامر فى العملين الجديدة
وقدم تامر حسني، خلال الحفل باقة مميزة من أغانيه التي يعشقها جمهوره والتي تتناسب مع أجواء المرح والصيف.

وشهد الحفل، مسرح عالمى بتصميم تامر فوزى ومهندس الاضاءة طارق صبرى، وأشعل الحفل الفنان ونجم الفاير ووركس أحمد عصام، وقدم الحفل الإعلامي شريف مدكور.

وحرص الفنان تامر حسني على استضافة اليوتيوبر الأجنبي نويل، على مسرح حفله في مهرجان العلمين، والرقص معه بشكل احترافي.

وشارك تامر حسني نويل الرقص على المسرح، ونافسه بقوة في حركاته الشهيرة، بعدما شارك معه في إحدى مشاهد فيلمه الجديد “تاج”.