عمرو أديب لمتحدث جيش الاحتلال: أنغام قوتنا الناعمة تخيل لو شوفت الخشنة بتاعتنا

أشاد الإعلامي عمرو أديب بالفنانة أنغام بعد رسالتها القاسية للمتحدث الإعلامي لجيش الاحتلال الإسرائيلي.

وكتب عمرو أديب من خلال حسابه الشخصي على تويتر: "الست أنغام القوة الناعمة بتاعتنا تخيل بقى لما تشوف قوتنا الخشنة حاجة حتكيفك تمام".

ولقنت الفنانة أنغام أفيخاى أدرعي المتحدث باسم جيش الاحتلال درسا عبر موقع إكس.

وكتبت أنغام: "‏انت يا اسمك ايه!! بدون رقي ولا أدب لإنك ماتستحقش الأدب في الكلام ولا التعامل.

انا اسمي ‎#أنغام مطربة مصرية عربية عارف يعني ايه مصرية؟
يعني ‎#مصر.. الرقي والأدب مع الراقيين فقط مش مع اللي زيك يا ‎#صهيوني.. والإنسانية نعرفها احنا المصريين لما بعتنا لكم الأسري بتوعكم مستورين بالبيچامات الكستور، فاكر؟

وتابعت: "بعد ما ‎#الجيش_المصري انتصر عليكم في حرب ٧٣ ورجع ‎#سيناء منكم اللي كنتم محتلينها يا مغتصبين، الإنسانية بريئة من امثالك وبريئة من أعمال جماعتك وجيشك المتوحش ‎#النازي قاتل الأطفال والنساء والمدنيين الأبرياء، والدين بريئ من اعمالكم وكذبكم، ولكل فعل رد فعل.