عشت في ظل الفن.. ناصر عبد الرحمن ينعى أحمد البدري

نعى المؤلف ناصر عبد الرحمن المخرج الراحل أحمد البدري.

وكتب عبد الرحمن، عبر حسابه على فيسبوك: “سلام يا بدري.. وأنت روحت من بدري.. الكل يرى حزنك.. والكل يتعمد الصمت.. شارع الفن ظل وشمس.. وأنت يا بدري عشت في ظل الفن.. رحم الله ابتسامتك وطيبتك وخدماتك للكثير”.

ورحل عن عالمنا عصر اليوم الجمعة 15 ديسمبر 2023، المخرج أحمد البدري.

مرض أحمد البدري
وكان صديق المخرج أحمد البدري، قد هاجم أصدقاء المخرج الراجل، وذلك بعد أن رفضوا زيارته، وذلك فى منشور له عبر موقع التواصل الاجتماعي الشهير فيسبوك.

نقابة المهن السينمائية تنعى المخرج أحمد البدري

موعد ومكان جنازة المخرج أحمد البدري

وقال صديق المخرج أحمد البدري: "إخص" بجد كما تدين تدان ليه الناس بقت قاسية كده ووحشة مع بعضها صديقي الغالي المخرج أحمد البدري كان كويس مع كل الناس وياما خرج نجوم وطول عمره صاحب واجب مع الكل ليه لما يبقي في أصعب أيام حياته ومحتاج الدعم حتي لو بكلمه مايلاقيش دي زيارة المريض صدقه إحنا بنتصل بالناس علشان يجوا يزوروه بس  ويعملوله دعم نفسي بعد بتر رجله وان الحاله عماله تتدهور  وكله قال مش فاضي ولا واحد من زمايله وأصدقاءه زاره..معقوله ياناس".

واستكمل قائلاً: “لكن طبعا لو توفاه الله كله هايروح عامل بوست متشحتف فيه ع الفيسبوك ويقول صاحبي وحبيبي مش كده؟ .. الراجل رجله اتشلت .. وفيروس في الدم ومشكله في الرئة وسكر مرتفع وتنفس صناعي.. ومحدش من زمايله زاره.. زورو المرضى عشان لما تمرضوا تلاقوا اللي يسأل عليكم إدعوا لبعض بالشفاء عشان لما تتعبوا تلاقوا اللي يدعلكم”.

وأضاف: “والناس اللي بتقعد تسأل عن العنوان هو في معهد ناصر اللي ع الكورنيش  الرعايه المركزة من 4 إلى 5.. روحوا زوره واخلصو النيه لله ربنا يشفيك ويعافيك يابدري ويشفي ويعافي كل مريض”.

وقدم أحمد البدري العديد من الأعمال الفنية الشهيرة، من أبرزها فيلم عمر وسلمى 2 لـ تامر حسني ومي عز الدين.