أحمد عيد عبدالملك: توقعت هزيمة منتخب مصر أمام إسبانيا.. وحسام حسن تعرّض للتربص من بعض المسئولين

تحدّث أحمد عيد عبد الملك، نجم الكرة المصرية السابق، عن تعادل منتخب مصر مع نظيره الإسباني وديًا استعدادًا لكأس العالم 2026.

وقال عبد الملك في تصريحات مع سهام صالح ببرنامج "الكلاسيكو": "إحنا لازم نلعب ماتشات زي دي كتير، ولازم نصدق نفسنا أكتر من كده، خصوصًا أننا بتلعب ضد المصنف الأول عالميًا. لعبنا شوط حلو وشوط مش أحسن حاجة".

وأضاف: "عندنا لاعيبة موهوبة، والغيبة تقيلة، ونقدر ننافس مع أي فريق. أهم لاعب كان مؤثر هو مهند لاشين. كنت متوقع أن مصر هتخسر أمام إسبانيا واتفاجئت بالنتيجة".

وتابع: "الفترات الأخيرة مقدمناش حاجة حتى في بطولة أمم إفريقيا، عشان كده كنت متوقع أننا نخسر النهارده. أتمنى تكرار التجارب دي عشان نخلي اللاعيبة تحتك بخبرات أكبر".

وواصل: "كابتن حسام دخل في صراعات شوية مع مسؤولين أو لاعبين أو مدربين، وده خلا الناس تتربص بيه. كان بيحصل مع حسن شحاته التربص والتشكيك فيه قبل الثلاث بطولات الإفريقية وخدناها برضو".

واختتم عبد الملك: "مش طبيعي أن كابتن حسام حسن يعلن قائمة المنتخب قبل ماتشات الزمالك للمرة الثانية، ده ممكن يأثر على اللاعيبة ونفسيتهم".