EN
انتقد هشام يكن، نجم الزمالك السابق، طريقة تعامل إدارة النادي مع اللاعب الشاب أنس وائل، وذلك بعد إعلان الأخير رحيله عن القلعة البيضاء عقب 14 عامًا قضاها داخل صفوف النادي.
وكتب هشام يكن عبر حسابه على موقع "فيسبوك":
"يا جماعة عيب اللي بيحصل في الزمالك ده.. أنس وائل لاعب الفريق واللي قدم مستوى كويس ومستقبل النادي، يبقى ده التعامل مع لاعبين شباب؟ غلط يا جماعة غلط".
وكان أنس وائل قد أعلن رحيله عن نادي الزمالك، مؤكدًا أنه تلقى إخطارًا قبل غلق باب القيد بأيام قليلة بعدم استمراره مع الفريق.
وكتب اللاعب عبر حسابه على "إنستجرام":
"السلام عليكم، أنا أنس وائل.. بعد 14 سنة داخل نادي الزمالك بلغوني دلوقتي قبل القيد بكام يوم إن مش هبقى معاهم، وده بعد ما شالوني من القائمة الأولى وبقيت لاعب حر من حقي أمضي في أي نادي. بعدها كلموني وقالولي ده حصل بالغلط وأنت مستقبل النادي، وروحت المعسكر ولغيت أندية كانت بتتفاوض معايا عشان خاطر أنا زملكاوي، والناس اللي تعرفني عارفة قد إيه أنا زملكاوي، بس دول عصابة، وأنا لسه هحكي كل كبيرة وصغيرة حصلت معايا، حسبي الله ونعم الوكيل".
وأثارت تصريحات أنس وائل تفاعلًا واسعًا بين جماهير الزمالك، خاصة بعد حديثه عن تفاصيل ما تعرض له خلال الفترة الأخيرة، في الوقت الذي طالب فيه هشام يكن بضرورة الحفاظ على لاعبي قطاع الناشئين والتعامل معهم بصورة تليق بمستقبل النادي.
