EN
أكد أيمن الشريعي، رئيس شركة الشرقية إنبي، أن الجدل حول صحة ركلة الجزاء التي احتسبت خلال مباراة فريقه أمام الأهلي لا يمثل محور اهتمامه الأساسي، مشددًا على ثقته في منظومة التحكيم وإدارة لجنة الحكام.
وقال الشريعي، خلال تصريحات إذاعية لبرنامج «الكلام المظبوط»: «قصة ضربة الجزاء، مظبوطة مش مظبوطة، أنا شايف إن الموضوع دايمًا بحط سلامة النية، وبشتغل بالاحترافية. هو شاف كده، وحكم الفار ما استدعهوش».
وأضاف: «الفكرة بالنسبة لي: قرار اتاخد، صح غلط، مش موضوعي؛ لأن دي مش شغلتي. هتروح لإدارة محترمة بيترأسها راجل محترم بنثق فيه، كابتن عصام».
وأوضح رئيس شركة الشرقية إنبي أن اهتمامه الأساسي لا ينصب على الجدل الدائر حول القرار التحكيمي، وإنما على الطريقة التي يتم من خلالها التعامل مع الحالات التحكيمية وتطبيق المعايير على جميع الأندية.
وتابع: «اللي يهمني في الموضوع، سيبك من الكلام اللي بيتقال: ومصدر من لجنة الحكام. أنا اللي بقولك: أنا بتابع الموضوع عن كثب، مش علشان النتائج، علشان المعيار».
وشهدت مباراة الأهلي والشرقية إنبي جدلًا تحكيميًا بسبب ركلة الجزاء المحتسبة لصالح الفريق الأحمر، وسط مطالبات بتقييم القرار من جانب لجنة الحكام، في الوقت الذي أكد فيه الشريعي أن ما يهمه هو ضمان وجود معيار واضح وعادل في التعامل مع القرارات التحكيمية خلال منافسات الدوري المصري.
