نهى أباظة تكتب.. بنات أفكارى !!

(مواطن يضرب جزار بالحذاء بعد بيعه لحم حمير و يتوعد بضرب مسؤلين بنفس الحذاء .اذا لم يكفوا عن الفساد..ووزير الصناعه يمنع استيراد الاحذيه المستورده .لحين الانتهاء من الازمه)
اكتشف الحاج محمد المصرى بعد شرائه كيلو لحمه من جزاره العبد لله والموجوده بجانب منزله في بولاق الدكرور..انه يوجد حجره داخليه بالمحل يصدر منها صوت نهيق للحمير ..ولم يمنع مشاده الجزار معه من دخوله للحجره ورؤيته للحمير وذبحها ..الامر الذى جعله ينهال بحذائه على الجزار بطريقه عشوائيه ..مما اصابه بضربات مبرحه فى الرأس والوجه والفكين...وانتقل الجزار على الفور لمستشفى الشفا الحكوميه فى حاله خطره ..ولم يكتفي الحاج محمد بضرب الجزار فقط ..بل هدد انه سوف يضرب كل مسؤل متهم بالفساد بنفس الحذاء
وبعد التحقيق ومعاينه النيابه اكتشف ان حذاء الحاج محمد اداه الجريمه .والمثبوت فى المحضر انه حذاء مستورد من تركيا وليس صنع مصر ..وفي ذلك الاطار اصدر وزير الصناعه قرار بمنع استيراد الاحذيه المستورده من خارج البلاد لحين الانتهاء من الازمه
//////////////////////////////////////////////////////////////////////////////////////

(اخطر شبكه لخطف الوزراء والمسؤلين المحتالين عبر الانترنت.
ونتواصل مع سمسار لبيع الوزراء ..سعر الوزير من 5 ل 10 الاف جنيه ..والصفقه تتم بالبريد الاليكترونى)
بعد التقدم عبر الانترنت ..قرر مجموعه من الشباب المصرى الاحرار الانتقام من كل ماتسول نفسه سرقه مصر والمصريين..وقاموا بتشكيل اخطر شبكه لبيع المسؤلين والوزراء عبر الانترنت ..وبالفعل قام العديد من المصريين بالاقبال الشديد على الشراء ..حيث ان البيع والشراء يتم بعقود رسميه بين الطرفين.. تتيح للمشترى ..حق استغلال الوزير فى التسول او بيع اعضائه ..وحق الانتفاع به لمده 3 سنوات بعدها يمكن اعاده بيعه او استبداله بوزير اخر..
//////////////////////////////////////////////////////////////////////////////////////////////
(مصرى يكتشف بالصدفه .عقار ايجار قديم ملكا لمصر فى السويد ...والمصرى يسكن العقار .ويهدد بتفجيره اذا اجبروه على الخروج)

فى اطار سلسله اكتشاف املاك خاصه بمصر بالعديد من الدول فى الخارج ..اكتشف مصري بالصدفه اثناء وجوده فى السويد عن وجود عقار ايجار قديم ملكا لمصر باحد الاحياء الراقيه بالسويد ..حيث وجد لافته كبيره على العقار باسم الوالى محمد على _مصر..مما اثار انتباهه ..وبعد ان قام بعده تحقيقات وتحرى عن الامر اكتشف بالفعل ..ان العقار ملكا لمصر منذ عهد الوالى محمد على ..وان السويد تعلم بهذا الامر ..ولكن تخفى الحقيقه كامله .ونظرا لان العقار خالى من السكان ..وقرر المصرى سكنه وعدم الخروج منه ..وقد حاولت السلطات بالسويد اجباره على الخروج ..ولكنه رفض وهددهم بتفجير العقار...اما مصر فوقفت كالعاده على الحياد..وقالت انه من حق كل مصرى ان يدافع عن حقه خارج البلاد ..ووعدته اذا نجح فى تأجير العقار بالسويد ..لن يأخذوا منه ..سوى نصف الايجار فقط ..
///////////////////////////////////////////////////////////////////////////////////////////////اعلانات ساخره:
نهي اباظه
اعلان 1
جهاز كشف النصب
-بعد 30 سنه نصب , المصريه للنصب بتقدملك جهاز كشف النصب
-حاسس ان الناس كلها بتضحك عليك , وخلاص مفيش فايده فيك
-خلاص محدش حيضربك تانى على افاك , جهاز كشف النصب حيعرفك مين اللى عليك ومين اللى معاك
-واللى حيسرقك حيبان , وفضيحته حتبقى على كل لسان
-جهاز كشف النصب اد الكف , وليه 3 لون, ممكن تحطه فى جيب القميص او جيب البنطلون
-ومشغل بأحدث انظمه للنصب , للنصاب الدولى , والنصاب المحترف , والنصاب النص نص ,
-مش كده وبس
الجهاز بيسيب اللى ينصب ينصب واللى يسرق بيسيبه
-ولوماقدمش اعتذاره , وقسم بالنص ,تبقى فضيحته على واحده ونص
-استنى ولسه العرض مانتهاش
الجهاز مزود بنظام خاص للنصابين اللى على ادهم ,اللى ضحكين عليك كل يوم وانت فى وسطهم
-البياع بيزود الاسعار ضعفين , وانت يعينى حتلاقيها منين
-خطيبتك بتضحك عليك هى واهلها ,وانت لسه معرفتش اصلها
-مراتك حوشت من وراك كام ألف , وانت عايش أهبل وبأف
- وبكده حتعرف ان الناس كلها بتنصب عليك. وانت يعينى مضحوك عليك
-والمفاجأه الكبييرة , المصريه للنصب ماهانش عليها تسيبك مضحوك عليك كده
-وقدمتلك ولاول مرة جهاز تعليم النصب,
-اللى حيخليك تنصب على اجدع نصاب متين ,
-وتسرق مهما تسرق و ومش ممكن تتمسك ,ولو من مين
-مع جهاز تعليم النصب
الدنيا حتحلو معاك , ومحدش حيضربك تانى على أفاك
/////////////////////////// //////////////////////////////////////////////////////////

///
حلمنتيشي
1 بعنوان
يلعن ابو الضمير
نهى اباظه

يا بن الحلال بلله عليك ,,,
راح فين ضميرك ,,,,, وراحت فين عينيك
صوتك بيعلى ويعلى ,,,, ومكدب اللى حواليك
كرامتك ليه بعتها ,وهانت عليك ,,,,,تخد من دا , ودا ,ومضيع اللى ليك
قولت يمكن غبى , ومش فاهم اللى فيها ,,,راضى يكون عبد ,, وهو مالك ليها
صوتك على عليا ,, وقلى خبيها ,,,الضحكه خبيها ,, والدمعه خبيها
مابقاش فيها اللى فيها ,, والناس مكفيها
انا اللى اتذليت مع الايام ,,, وشوفت بلاويها
ده يوم ما الدنيا تضحك ليا ,, غيامه يغطيها
اتارى بتضحك عليا ,,,,,, وتقلب عليا واطيها
ارجع واقول ليه ؟؟؟؟؟
هو انا مش زى الناس.. طب ليه دايما بنداس ,,, ضايع ومليش اساس
ده انا كنت بحايل وألين ,,, ارضى بقليل القليل
حتى القليل بقى عشانى كتير ,,,
طب يلعن ابو الضمير ,,,,,, اللى حسبنى ضمن الحمير
وقولت ما بدهاش بقى ,,,
,, ابيع ضميرى انا ,, واعيشلى يومين فى الهنا
اعيش انا بوشين ,, اضحك على دولا ,,ودولا واكل من الاتنين
اغلط ,, اكدب ,, ارتشى ,,,,,,, مابقتش من حد اختشى
وبقيت لئيم ,,,, اكلت حتى حق اليتيم
وفجأه لقتنى مش انا ,,,,, ايامى بقت سودا ,, ومفهاش طعم الهنا
وبعد ما بعت ضميرى ,,,,,, رجعت ادور عليه
لقيت ضمير ضميرى ,,,,, زعلان من اللى انا فيه
قولت طب ما اروح اشتريه ,,,,,,, يمكن ابيعه تانى ,,, واكسب انا فيه
لقيت الناس فى السوق بترميه .....
اتارى سعره نزل ,,, وخسرت انا فيه .................... يلعن ابو الضمي