إنجي عبد الله تكشف حقيقة إصابتها بالسرطان

طمأنت الفنانة إنجي عبد الله جماهيرها بعد الجدل الذي أثير حول إصابتها بمرض سرطان خبيث عبر صفحتها الرسمية بموقع التواصل الاجتماعي " فيسبوك".
و كتبت " إنجي" : "ورما حميدا" و ذهبت لليابان لإجراء فحوصات للتأكد من ذلك».
وأضافت : " أنا الحمد لله كويسة ومبسوطة أوي علشان عرفت أن الورم الحمد لله مش خبيث، أنا عملت فحوصات كتير هنا في اليابان واللي اتأكدت منه دلوقتى إنو مش خبيث لأن حجم الورم متغيرش من شهرين، وفي احتمالات تانيه كتير إنه يكون فيروس أو انفكشن، بس هعرف النتيجة النهائية كمان أسبوع».
و تابعت :" أنا دخلت المستشفى لمدة أسبوع عملت فحوصات كتير على المخ، وعينة من النخاع الشوكى، والله العظيم كل الدكاترة اللي متابعين حالتي هنا مذهولين، في الأشعات باين حجم ورم وكبير في مكان خطر هو جزع المخ اللي ميقدروش يخدوا عينة منه لأنه في مكان خطر، بس أنا معنديش أي أعراض خارجية غير لما أمشي لمدة طويلة بفقد الإحساس برجلي وأحيانا بشوف كل حاجة قدامي اتنين، وهما مش عارفين إزاى ده ممكن يحصل، وفعلا شايفني حالة غريبة، لأن الأعراض اللي عندي حاجة بسيطة قدام الأشعات اللي شايفنها، بس هقول الحمد لله إن الدعاء اللي اتدعالي من كل الناس اللى حواليا، أهلي وأصحابي مسلمين ومسيحيين وحتى بوذيين هنا من أصحابي في اليابان»
وأنهت رسالتها قائلة : " الحمد لله أنا كويسة وفى أمل كبير أوى دلوقتى أنها تطلع حاجة ممكن تتعالج، أنا فعلا بشكر كل اللي حواليا وحاسة أن كل الدعاء اللي اتدعالى فرق كتير وعندي إيمان أن ممكن يكون غير من حاجة وحشة كانت هتحصلي، بجد شكرا من قلبي وربنا يحميكوا لأهلكو وكل الناس اللي بيحبوكوا وبتحبوهم، شكرا".