«رسالة إلى أم الشهيد».. إهداء من وزارة الداخلية لأمهات الشهداء

قام قطاع الإعلام والعلاقات بوزارة الداخلية بتقديم قصيدة شعرية بعنوان "رسالة إلى أم الشهيد" لأمهات الشهداء بمناسبة عيد الأم.

وجاء بالقصيدة:
يا أمى ليه يوم تحزنى
والجنة لسه فى انتظارك متزينة
اللى على إيده النهار جه أرضنا
يا أم الشهيد
ابنك بطل.. بالتضحية
ولولاه ما كانت أغنية
للانتصار
الجنة لسه فى انتظار
طلع النهار
كان البطل ابنك هناك
سباق بروحه خطوته
أفديك بروحى يا وطن
أفديك ومن دمى التمن
الجنة لسه فى انتظارك متزينة
يـ أمى قولى للى جايلك من صحابى
واللى جايلك من زمايلى
إن أجمل حاجة إنتى
يا مصر
وروحى فيكى فين مكانتى
إنتى جنة أرض ربى
يا أمى إوعى تحزنى
الشهادة هى جنة للشهيد
يوم شهادتى يبقى عيد
إسألينى راح تلاقى قلبى من جوه سعيد
يبقى ليه يا أمى حزنك
جنة فاتحة حضنها من بعد حضنك
يا أمى إوعى تحزنى
يا أمى إوعى تحزنى