الرئيس السيسي يقترح على الشباب تشكيل مجموعة تحفيز لمتابعة مقترحاتهم .. فيديو

توجه الرئيس عبدالفتاح السيسي، بالشكر للشباب الذي تقدموا بمقترحاتهم وأفكارهم خلال أعمال مؤتمر الإسماعيلية.

وقال الرئيس السيسي موجها حديثه للشباب، خلال جلسة "محاكاة الاقتصاد المصري"، التي تم عقدها اليوم ضمن فعاليات مؤتمر الشباب،: "أشكركم جدا على المجهود الكبير ده.. هل تقبلوا أن تكونوا مجموعة تحفيز في متابعة وتقييم على مستوى الدولة لتنفيذ اقتراحاتكم التي اقترحتوها".

وأضاف "الرئيس"،:"فيه وزارة تخطيط في الدولة وعلى علم باللي اقترحتوه..أقترح حاجه تانية.. هل تقبلوا بتجرد يعني مفيش مصلحة وانتو موجودين الجهاز اللي كلنا بنثق فيه وعنده أذرع في كل الدولة.. فالبيانات هتبقى متاحة وكل حاجة هتبقى متاحة.. هل تقبلوا أن تكونوا مجموعة تحفيز أو متابعة وفي الشهر المقبل في المؤتمر القادم وتقولوا إحنا حققنا نجاحا مع الحكومة في الموضوع ده والموضوع ده وعندنا مشكلة في الموضوع ده والموضوع ده".

وتابع الرئيس ضاحكا: "انتوا بتتكلموا اننا نحول الكلام النظري اللي كتير من الناس بتقوله إحنا هنحل البيروقراطية وهنحل كذا".. بجيب مسئولين كتير أول ما يخش في الوزارة ويغطس ما يطلعش تاني.. عشان كده انتو تعالوا تغطسوا معاهم وتطلعوا.. ومش انتو بس لو محتاجين تاخدوا حد معاكم إحنا عندنا شباب كويس".