وصلة مدح بين " تامر حسنى " و"ميريهان حسين " على الإنستجرام

هنأت الفنانة ميريهان حسين الفنان تامر حسنى على فيلمه الجديد " تصبح على خير" و عبر صفحتها الشخصية على موقع التواصل الإجتماعى " إنستجرام " حيث كتبت له مبروك لصديقى و اخويا النجم تامر حسنى على فيلم (تصبح على خير) .

وتابعت : " انا مابطلتش ضحك بجد وانا بتفرج تامر حسنى ماشاءالله عنده موهبة و خفة دم من عند ربنا و حاجة صعبة اوى انك تقدر تضحك الناس بجد .. أسلوبه و طريقته و تعبيرات وشه تخليك ماتتخيلش حد غيره يعمل دوره .

وأضافت : " الصورة حلوة و الديكور جميل و بالمناسبة نادين اختى شاركت فى الديكور الحلو ده 😘بجد اتبسطت فى الفيلم و ضحكت " فيما رد الفنان تامر حسنى عليها قائلًا : "ياميرا يا قمر ربنا يخليكي والف شكر على كلامك العسل ده وفعلًا حد شافك من صحابي وقالي ضحكتها كانت مسمعه المول كله.