نهى أباظة تكتب : الحلو أوطه ... والغطا فوطه

الحلو اوطه ..والغطا فوطه .. ناس متمرمغه في العز... وناس
طفحانه الكوته....والكوته مش مظبوطه....متقسمه علي نوته..
والنوته موسيقية ..الدو ري مي فاصول . اساسه ملوخية...
والملوخية عشان متجمدة الطعم مش تمام ...الرقص علي ودنه
والغنا شغال...اللي يغلط فيها ..يتزق .. يتشال...
ملوش مكان فيها حتي لو من غير قصد ...يتشد ..يتحايل ..بكلمه يتصد .
يتصد ..يترد ..مولد وينفض,.
ايوه هو مولد...صحيح مولد ..
بس مش اللي في بالك ...تستني فيه السعد ..وعمره ماجالك..
المكان مش مكانك ..ولا الناس د من بقيت عيلتك..
مهما تعمل فيها ..محدش يعرف قيمتك..
وحلاوتها ياباشا ان الكل بيجيب في سيرتك..
ايوه سيرتك ...سيرتك اللي بالورقه والقلم مكتوبه ...خبره منكوبه...صوره مضروبه ...وافاك فيها مضروب بطوبه..هي بس طوبه..
الطوبه اللي اول ماتحس بضربتها.. ..تقوم واخدها تضرب بيها غيرك عشان تعيش ..
معذور هما اللي علموك السفلئه...
فهموك ان الراحه ماتجيش غيربالزحلقه ...والزياده ماتجيش غير بالبحلقه ...
وعشان تاخد فيها بونط كبير ..لازم تضرب في الكل اسافين..
اسافين وتلسين ..ومحدش بيعرف الدور علي مين...
دور حادق ...ودور مر
بس لما تيجي تدور علي الحلو.مش حتلاقي عسل متغمس ببسكوته..
حتلاقي الحلو فيها اوطه..والغطا يادوبك فوطه