EN 
قالت الإعلامية ريهام سعيد، إن الفنانة دينا الشربيني دخلت السجن، معقبة: «اشتغلت ممثلة وكلنا أُعجبنا بيها وكانت طالعة زي الصاروخ، وفجأة اتهمت في قضية وراحت السجن».
وأضافت "سعيد"، خلال تقديمها برنامج "صبايا"، المُذاع عبر فضائية "الحياة"،: «دينا الشربيني مُلهمتي، وأنا بحبها من غير ما أشوفها ولا أعرفها»، مستطردة: «دينا اتسجنت سنة، والسجن حاجة وحشة أوي فوق ما أي حد يتخيل».
وأوضحت: «بعد ما خرجت من السجن قررت المهن التمثيلية منعها من التمثيل، وفضلت موقوفة عن التمثيل فترة كبيرة وكانت لسة صغيرة».
وكشفت: «فجأة اقترن اسمها بفنان عظيم وهو عمرو دياب، وأيا كان هما عايزين يصرحوا بالعلاقة ولا لا، بس ممكن نقدر نقوم بينهم ارتباط فني زي ما دينا صرحت إنه بيدعمها وإنه لما بيمسك أي حاجه بتتحول لدهب».
وتابعت: «كل الناس بتتكلم عن دينا بعد ما كانوا بيتريقوا عليها، وحاليا مفيش حد مش بيتكلم عن نجاح دينا الشربيني».
