EN 
كشفت بهيرة منتصر، صاحبة الـ20 عاما، والتي قررت الاحتفال بطلاقها، بوضع بالونات وتقديم الحلوى للمباركين لها، من الصديقات والمقربات منها، في حفل أقامته داخل منزلها، تفاصيل زواجها، وقصة الطلاق.
وقالت خلال حوارها ببرنامج "صبايا الخير" الذي تقدمه الإعلامية ريهام سعيد، على شاشة "النهار"، أنها تزوجت بعد قصة حب طويلة منذ الصغر، وتمت الزيجة بالضغط على أهلهما، مستطردة:" مكملتش دراستى في الجامعة؛ بسبب الزواج والحمل.. عشنا قصة حب من 6 سنين.. كان عندى وقتها 15 سنة".
وواصلت: ""أنا اتجوزت 18 سنة عن حب كبير وعيش وملح، وخلال سنتين جواز، لقيت الشخص نفسه، مش ده الشخص اللى اتعرفت عليه أصلا.. هو كان ابن الجيران.. اتجوزت سنتين وخلفت.. وعلى قد ما في أيام حلوة.. على قد ما كنت بحس إنه مش ده الشخص اللى اختارته.. لكن للأسف عرفت الكلام ده بعد الجواز".
وحول الطلاق، قالت: "مكنش الشخص اللى ممكن أكمل معاه الحياة.. والعشرة في الزواج غير قبل الزواج.. أنا خدت قرار الانفصال بعد سنة و5 شهور من جوازنا.. وكتير كلمته حتى قبل طلاقنا بيومين.. أنا فخورة إني مُطلقة.. منحته فرص كثيرة ولكن بلا جدوى".
وتابعت: "حاولت استحمل عشان ابني كتير.. لكن كل مرة مكنتش بقدر.. لحد ما في يوم حصل خناقة بسيطة وسيبت البيت.. وعرفت وقتها إنه كرر نفس الخيانة.. وده اللي مقدرتش استحمله".
