عمرو أديب يحكي موقفا مؤثرا مع والدته: الفلوس والنجاح هيجي بسببها

قال الإعلامي عمرو أديب ، إنه لم يفعل شيئا عظيما في حياته سوى رضا والدته عليه، معقبًا: "أنا لو حد سألني إنهاردة عايز إيه يا عمرو، هقوله عايز أمي ترجع وأرضيها تاني".

وأضاف " عمرو أديب " خلال برنامجه "الحكاية" الذي يقدمه عبر فضائية " إم سي مصر" ، أنه مر بموقف مؤثر مع والدته في مطار باريس، قائلًا: " أمي كانت تعبانة فالرجل الفرنسي حطها على عجلة عشان نوديها المستشفى، بس أنا كنت شايفها موجوعة جدًا، فقعدت أجري بيها بالعجلة عشان ألحق أوديها المستشفى".

وعقب "أديب" قائلًا: "اعمل لوالدتك كل حاجة وأي حاجة، واتكل على الله من غير ما تفكر"، مضيفًا: "الفلوس والنجاح وعيال يعاملوك كويس، كل ده هيجي بسببها".