كندة علوش: أحلامي كلها بتتحقق ودي حاجة بتضايق منها

قالت الفنانة كندة علوش، إن الأحلام التي تحلم بها تتحقق، معقبة: "بحلم بناس مشوفتهاش بقالي سنين، إنهم ماتوا ولما بحاول أسأل على الناس دي بلاقيهم تعبانين ومش بيكملوا وبيموتوا فعلًا".

وتابعت "علوش" خلال لقائها مع برنامج "سهرانين" المُذاع على فضائية "أون"، قائلة: "أحلامي كلها بتتحقق ، وديه حاجة بتخوفني وبتضايق منها جدًا لأني بحلم أحلام مش حلوة " ، وعلق أمير كرارة على كلامها قائلًا : " أوعى تحلمي بيا".

وأضافت الفنانة، أن أكثر ما يضايقها من زوجها عمرو يوسف هو الغناء، مضيفة أن صوته في الغناء جيد وإحساسه هائل، معقبة: "لكن ثقته في نفسه أوفر وبالتالي ديه اللي بتخليه يغلط".

وأكملت: "أنا مش خايفة من كلامي اللي بقوله عليه ده في البرنامج من ناحية الغناء، عشان هو عنده مشاكل كتيرة هو مش شايفها، بس عنده مميزات كتيرة عظيمة ، وكده كده مفيش إنسان كامل".