EN
وجه الداعية الإسلامي مصطفى حسني، رسالة شكر للفنان تامر حسني، على غنائه تتر برنامجه الجديد «الثمن»، الذي سيعرض خلال شهر رمضان المقبل.
ونشر مصطفى حسني صورة تجمعهما عبر حسابه علي "انستجرام" وكتب قائلا: "قال رسول الله صلى الله عليه وسلم، من لم يشكر الناس لم يشكر الله.. وأنا حابب أشكرك يا تامر يا صاحبي على أغنية تتر برنامج الثمن".
وأضاف حسني: "صوتك العذب والآداء الصادق، نعمة كبيرة عليك من ربنا واللي أثَّر فيَّ يا صاحبي الغالي تواضعك واهتمامك وإقبالك على التعاون علشان نقدم محتوى فيه قيمة مُضافة للعقول والقلوب والأرواح تِسلم وتعيش يا صديقي".
ليرد عليه نجم الجيل تامر حسني قائلاً: “يا مصطفى يا حبيبي انا أخدمك بعينيا وأنا وصوتي تحت أمرك في أي وقت أنا اللي بشكرك من كل قلبي عشان سمحتلي أكون جزءا بسيطا من الخير والعلم اللي بتعلمه للناس ولكل أولادنا”.
وتابع حسني: "ربنا يقدرك ويستخدمك دايماً في توحيد الناس بمختلف أفكارهم وكل سنة وكل يوم تكون سبب في هداية ناس أكتر، سلام كبير جداً لمتابعينك الكرام".
وأضاف: "أتمنى من كل متابعيني الكرام متابعة مصطفى في جميع الأحوال بيا أو منغيري لإننا كلنا فعلاً محتاجين نفهم حجات كتير بيقدمها مصطفى بأجمل و أرقى شكل وطريقه ومصطفى خير من يتكلم في الإيجابيات اللي يفهمها ويحسها أي شخص وفعلاً بيصحح مفاهيم أغلبنا ممكن يكون فاهمها غلط.
واختتم قائلا: "أنا شخصياً من أشد محبي مصطفى ومن أشد متابعينه في كل برامجه، ربنا يقدرك يا أملنا الجميل 🤲🏻 ويعينك ويقويك بقدر مكانتك العظيمة في قلوبنا، كل سنة وانتوا طيبيين ورمضان كريم على الجميع".
