EN 
رد الفنان تامر عاشور على الانتقادات التي وجهت له خلال الساعات الماضية بسبب صورة نشرها عبر صفحته الرسمية على موقع التواصل الاجتماعي " فيس بوك " من إعلان لصالح مستشفى أيادي المستقبل لأورام الأطفال مع تعليق "لا خدي أنتي أنا صايم يا فاطره بحبك".
وكتب تامر عاشور منشورا جديدا كتب فيه: «صباح الخير، أنا طول حياتي ومشواري عمري ما اتريقت على حد سليم علشان اتريق على مريض حاش لله، واللي أخد كلامي تريقه على مريض نفوسهم ضعيفة، وهما اللي مرضى بيفرقوا بين المريض والشخص الطبيعي.. لو نزلت صورتي مع أي طفل اللي هو غير مُكلف بالصيام، وقولتله بأي طريقة متشربش مياه قدامي يا فاطر أو خد دي يا فاطر أنا صايم.. حد هيتكلم؟، مستحيل علشان طفل طبيعي لكن المريض لا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعامولاتنا».
وتابع "المرض الحقيقي هو التفرقة بين أطفالنا اللي بصحه جيدة ربنا يديهم كل الصحة وأطفالنا اللي ربنا اختارهم للمرض، المرض الحقيقي هو إن فكره (المعايرة)، جاتلك قبل 100 فكرة تانية ممكن تجيلك من جمال البنت وضحكها وبهجة الصور، هو للأسف شوفت كمان حاجه غريبة جدا ناس كتير قوي محسوبين على هامش المجال الفني عمرهم ما شافو مني حاجة وحشه غير إني مباديهمش مواعيد لاقيتلهم تعليقات كأنهم ما صدقوا لاقولي غلطة وانصحهم العمر بيجري حاولو تعملو حاجة لنفسكم أولى، البنت اللي في الصورة فضلت في حضني طول تصوير الإعلان وبحبها جدا جدا، ومتفقين أنا وهي على حاجات كتير قوي قوي هنعملها».
يشار إلى أن تامر عاشور قدم تتر مسلسل "ولاد ناس" الذي يعرض حاليا ضمن الموسم الدرامي في رمضان.
والأغنية كلمات دعاء عبد الوهاب وألحان تامر عاشور وتوزيع طارق مدكور الذي يعود لتوزيع تترات المسلسلات بعد غياب طويل عن تقديم تترات أعمال درامية.
ومسلسل "ولاد ناس" من إنتاج "سكوير ميديا" للمنتجين منى قطب وإبراهيم حمودة، وتأليف وإخراج هاني كمال، وبطولة نخبة من النجوم، أبرزهم أحمد وفيق، رانيا فريد شوقي، صبري فواز، بيومي فؤاد، إيهاب فهمي، لقاء سويدان، أحمد صيام، صفاء الطوخي، وآخرين.
