EN 
أعلن الفنان حسن شاكوش ، عن طرح أغنية جديدة له خلال الساعات المقبلة بأسم “ أنا على وضعى ” .
وجاء ذلك من خلال حسابه الشخصى بموقع التواصل الاجتماعى “ انستجرام ” بعدما نشر مقطع فيديو و علق عليه " استنوا أغنيتنا "#ماكسيللو - أنا على وضعي" مع#ماكسيللو و #عنبة ، يوم الخميس على صفحاتنا " .
يذكر أن اخر اعمال الفنان حسن شاكوش هى أغنية حبيبتى ، والتى حققت ١٨ مليون مشاهدة، بعد طرحها على قناته الرسمية على اليوتيوب منذ أسبوعين.
تقول كلمات الأغنية "حبيبتي .. افتحي شباكك أنا جيت .. انا واقف تحت البيت ..مش هعمل زيطة وسيط ..وحشتيني.. بتلفي وتدوري عليا ليه .. مش عايزه تحني ليه .. طب بصي يابنت الايه .. مش هحلك بلاغيكي .. قولتلك بهوايا .. لو مش جايه معايا .. هعمل ألف جنايه .. هقلب زومبي.. انا جايلك .. وبقولك وحشاني .. انتي النص التاني .. وبقيتي بالنسبالي .. ام عيالي".
"حبيبتي افتحي شباكك انا جيت" كلمات محمد غباشي و مصطفي الجن، وألحان حسن شاكوش، وتوزيع ومكس وماستر إسلام ساسو.
كما قام حسن شاكوش بتقديم رسالة للشباب، عبر بث مباشر نشره على صفحته الرسمية على موقع التواصل الاجتماعي “فيسبوك”.
وظهر حسن شاكوش من الجيم وعلق قائلاً: "كل واحد لازم يبقى عنده طموح وهدف يحققه ومش لازم ييأس، أنا كحسن شاكوش أهو رغم الشغل بتاعي وأكل عيشي.. وبنقدم حاجة الناس تفرحها وتبسطها والناس بترقص على أغانينا لكن الشغل حاجة والحياة الشخصية حاجة تانية".
وأضاف حسن شاكوش قائلاً: "أنا رغم الضغوطات اللي عليا والشغل كل يوم بصحي أنزل الچيم وبوجه لكل الشباب نصيحة لازم تنزل وتحافظ على صحتك وتاكل وتنام كويس.. وبنصح كل الشباب إنها تنزل تتمرن وتروح الچيم رغم كل الضغوط اللي انتوا فيها ومتفضلش في البيت واهتم بصحتك وبنصح كل الشباب اللي بتاخد مخدرات تبعد عن أي حاجة ممكن تضرهم".
