EN 
كشف صديق مقرب من كريم صبرى شقيق الفنان رامى صبرى عن حالته النفسية فى الفترة القلية قبل وفاته .
وكتب صديق كريم صبرى عبر حسابه بموقع فيسبوك :" کریم ماکنش بالصورة اللي بتتقال دي ابدا ..کریم ماکنش بالوحاشة دي بالعکس ده من ارجل الناس الي عرفتها في حياتي ..ارحموه بقه ده خلاص مشي و سابكم بلاش التشويه ده في صورته".
وأضاف صديق كريم صبرى :"کریم کان مکتئب و تعبان من كل القريب منه و اللي استنا منه مساعده و ملقهاش ،کریم کان فنان و شاطر و مجتهد و ملقاش الدعم الكافي ف اکتئب و ده طبيعي لواحد الناس فاهمه انه پاما هنا و یاما هناك و هو ياعيني
بيعافر و بيحاول بكل جهده ".
وتابع صديق كريم صبرى :" للاسف اللي بيكون من عيله فنيه الناس بتستخسر تساعده و فاهمين ان العيله الكريمه عامله الواجب معاه و في ناس تانيه اوله بس الحقيقي ان دہ غلط تماما لاحد بيساعد ولا قريب ولا غریب صحابه بس اللي وقفت جمبه و كانت بتحاول تعمله حاجه مش اكتر سواء محمد شفيق لو كريم اسامة او انا او كام شخص بس اللى قرييبن منه لكن مفيش اللى الناس فكراه ده".
واختتم صديق كريم صبرى :" بلاش تشويه فى انسان شاف حياة صعبة وسابنا بطريقة اصعب بجد ،مش عشان تجملوه حد تشوه فى انسان راح لربنا وكفاية كلمه اخوه الفنان رامى ، على فكرة اسمه كريم صبرى وليه تاريخ مش بطال يتشرف بيه ..ارحموا عشان ربنا يرحمكم".
كشف الفنان رامى صبرى عن موعد ومكان صلاة جنازة شقيقه كريم صبرى عبر حسابه بموقع فيسبوك.
وكتب رامى صبرى :" ستقام صلاة الجنازة على اخى وحبيبى كريم صبرى بعد صلاة العصر من مسجد الشرطة بالشيخ زايد والدفنة فى مقابر 6 اكتوبر بطريق الواحات وسعيكم مشكور جميعا و انا لله وانا اليه راجعون ".
ونعى عدد كبير من نجوم الفن شقيق المطرب رامى صبرى والذى توفى مساء أمس غرقا بترعة المريوطية.
هانى شاكر
وقدم العزاء الفنان هاني شاكر، نقيب الموسيقيين ، للفنان رامي صبري في غرق شقيقه في ترعة المريوطية حيث ألقى بنفسه هناك هربا من مصحة لعلاج الإدمان.
ونشر هانى شاكر تغريدة من خلال حسابة الشخصى عبر موقع “ تويتر ”وكتب: “ البقاء لله خالص التعازي للفنان رامي صبري في وفاة شقيقة كريم صبري أدعو الله أن يتغمدة برحمته ويلهم أهله الصبر و السلوان ”.
إيهاب توفيق
كما نعى الفنان إيهاب توفيق شقيق الفنان رامى صبرى من خلال حسابه بموقع فيسبوك ،حيث نشر صورة لكريم صبرى وعلق عليها :" انا لله وانا اليه راجعون ،خالص عزائى لوفاة كريم صبرى الأخ الاصغر للفنان رامى صبرى ..رحمه الله والهم اهله الصبر والسلوان ".
تامر حسنى
نعى الفنان تامر حسنى كريم صبرى شقيق الفنان رامى صبرى عبر حسابه بموقع فيسبوك
ونشر تامر حسنى صورة لكريم صبرى وعلق عليها :" البقاء لله فى وفاة كريم صبرى الأخ الأصغر لصديقى واخى الفنان رامى صبرى نسالكم الدعاء والفاتحة له".
أحمد جمال
كما نعى الفنان احمد جمال الراحل كريم صبري شقيق الفنان رامي صبري ، ونشر احمد جمال صورة لرامى صبرى مع شقيقة من خلال حسابه عبر موقع التواصل الاجتماعى “انستجرام”.
وعلق احمد جمال " لا حول ولا قوة الا بالله خبر محزن وفاة كريم صبري اخو رامي
ربنا يرحمه ويغفرله و يصبرك على فراقه يا رامي انت والاسرة ".
انجى خطاب
وقدمت العزاء الفنانة انجى خطاب في وفاة شقيق الفنان رامى صبرى، ونشرت صورة لـ رامى صبرى مع شقيقة من خلال حسابها عبر موقع “ انستجرام ”.
وعلقت انجى خطاب " ان لله وان اليه راجعون .. خبر محزن توفي الي رحمه الله زميلي ودفعتي في اكاديميه الفنون كريم صبري وشقيق الفنان رامي صبري مش مصدقه .
الله يرحمك يا كريم كنت موهوب وكان عندك احلام كتير نفسك تحققها وكنت طيب وجدع ولسه صغير متغلاش علي اللي خلقك ربنا يرحمك يا كريم ويصبر اهلك يارب رجاءا ادعوله بالرحمه والمغفره ".
