EN
علق الفنان أحمد فلوكس على تصريحات النجمة حلا شيحة، بعد تبرأها من مشاهدها الرومانسية مع الفنان تامر حسني في كليب "بحبك"، مشيرةً إلى أن هذه التصريحات من الممكن أن تعرضها للمساءلة القانونية.
وكتبت فلوكس منشورًا، عبر حسابه الشخصي بموقع تبادل الصور والفيديوهات "انستجرام"، قائلة: “صديقتي الغالية حلا شيحة. تعلمي جيدا مدي حبي واحترامي لكي وتقديري لما مرت به حياتك السابقه كلها من تقلبات ومن حديثنا قبل، اعلم جيدا إنك لم تجدي ابدا استقرار في حياتك نفسيا إلا مع الله وهذا هو أساس حياتنا الطبيعي مهما حدنا عنه ولكن كان هذا الإحساس هو دايما الأساس عندك لأنك لم تجدي في كل دايرتك الاستقرار الحياتي الطبيعي”.
وتابع: "يمكن اغلب الفنانين اللي بجد حياتهم فيها عدم استقرار في بعض منها وهذا هو أساس ما يفجر طاقه الفن داخلهم .... ولكن.... أولا اعتب عليك إنك تتكلمين بالدين وانت تحاكمين زملائك مع ان الله هو الحاكم الوحيد ، اعتب عليكي وانت تتكلمين بالدين وفعلك يعتبر فيه بعض التشهير والتشويه لزملائك ولعمل ناجح ومازال يعرض.
وأضاف: "اعتب عليكي لأنك تتكلمين في العلن وهذا عكس الدين تماما في ذمه شخص أمام العلن في قمه نجاحه ونسينا إن الدين هو الستره لعباده، أتمني أن تفهمي جيدا أن لكل مهنه الحلال والحرام ونحن لا نملك ان نقول ما هو الحلال و الحرام ولكن ربنا يعلم ويحاسب بالنيه الداخلية لكل انسان وليس بما يقال لكي. وأن من يحاسب ويقيم العباد هو الخالق فقط ليس انت ولا احد نهايي ولا يوجد علي وجهه شخص له الرخصه في تقيم علاقه العبد بربه أو ما هو الحلال و الحرام فهذا هو اختصاص القران والرسول صلي الله عليه وسلم اخر الانبياء المرسلين الذي لن ياتي بعده رسول يقيم ويعلم العباد، ووهذا هو ما تعلمنا من كلام ربنا.
واختتم: “تأكدت بعد هذا الكلام الصادر منك انك مازلت في تخبط و لازالت روحك مشتته فادعو الله لكي بسكينه القلب و الروح واستقرار راحه بالك لاني اعلم جيدا انك لم تريها طول حياتك و تستحقيها من طيبه قلبك و ادعوا ايضا الله ان يغفرلك ذنوبك فيما كتبتيه علي العلن في منشورك و يغفر لنا جميعا ذنوبنا فهو الوحيد العالم بباطن الأمور”.
وكانت حلا شيحة كتبت عبر حسابها بموقع إنستجرام مهاجمة تامر حسنى: "أنا اتفاجئت جدا بنزول كليب يجمع فيه مشاهد متفرقة من الفيلم وخصوصا بعد آخر بوست نزلته ووضحت فيه أنا أيه .. واتفاجئت أكثر خصوصا بعد وعد تامر حسني ليّ وتأكيده إنه حیحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي".
وأضافت حلا شيحة: "إحنا يمكن نجحنا بمقايس الدنيا بس صدقوني بمقایس ربنا إحنا لم ولن ننجح أنا عارفة ومتاكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي .. دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وبننسی".
وتابعت حلا شيحة: "أنا مش حتكسف من حد أنا تبت من المشاهد دي وهي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص إحنا أغلبنا ناسينها إلا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن".
امتحان الدنيا
وأكملت حلا شيحا: "إحنا كلنا عندنا امتحان في الدنيا دي وحابة أفكرك بالفيديو ده یا تامر اللي قولت فيه أنا مش بتمني أموت وأنا مطرب أنا دايما خايف کده.. كلام أكيد قولته في لحظة صدق جواك وجوانا كلنا من شوفه تاني يمكن يفكرك أن جواك أكيد في صراع وأنا وكلنا كلنا بنغلط بس المهم في الآخر نتدارك الغلط ونصلح .{إلا من تاب وآمن عمل عملا صلحا أوللئك يبدل الله سيئاتهم حسن وكان الله غفورا رحيما).. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد".
رد الفنان تامر حسني علي اتهامات الفنانة حلا شيحة له بنشر فيديو كليب بحبك من فيلم مش أنا الذي يتضمن مشاهد رومانسية تجمعهما على غير رضاها.
وكتب تامر حسني قائلا: “نهاركم جميل يا أغلى الناس 🤍 الحقيقه عمري ما بتخيل إني أدخل في نقاش بالشكل دا مع زميل بحترمه وكان في بينا كل خير”.
للتوضيح بما إنك يا حلا كتبتي بوست وأشركتي الجمهور الكريم معانا بدال ما كنتي تكلميني شخصياً ونتناقش بيني وبينك، فا أنا مضطر أرد هنا برضو.…. أولاً أنا عمري ما وعدتك إن الكليب مش هينزل دا محصلش أصلاً يا حلا مش أنا خالص اللي أوعد وأخلف….. الحقيقة إني احترمت كلامي معاكي ووعدتك أشيل مشاهد تانية طلبتيها وشيلتها بالفعل وشكرتيني عليها ولو حابه تفتكري المشاهد اللي اتشالت بعد إذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجودة، وبعدين الفيلم بقاله ٣ أسابيع في السينمات والكليب موجود جوه الفيلم هو بالنسبالك الحرام إننا ننزل الكليب على اليوتيوب بس!! إنما الكليب يتشاف جوه السينمات عادي ؟؟؟؟ منطق غريب فعلاً يا حلا".
وًتابع تامر قائلا: “ وبعدين هو مش انتي اللي مضيتي عقد وتقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه ومثلتيه بنفسك وبمنتهى الرضا ولاّ حد أجبرك؟!!!!!! وللتوضيح للجمهور الكريم أنا والمخرجه الأستاذة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظة تقوليها، ماكنتيش بتردي علينا وتليفوناتك كلها كانت بتقفل في وشنا ،، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا ولو كان ليكي أي طلب تاني كنت هعمله بكل حب إنما إنتي فجأة اختفيتي ومكملتيش تركيب صوتك في الفيلم ولا جيتي تتصوري عشان آفيش الفيلم أصلًا ومخليتيناش نعرف نعمل آفيش مجمع !!! وبقيتي تقفلي تليفوناتك وتكنسلي علينا كلنا وبعدين أي فيلم بيبقى ليه خطة مسبقة في الدعاية وانتي عارفاها كويس ووافقتي عليها ودا كليب رومانسي يعني معقول كنتي عايزة المنتج يشيل كل مشاهدك اللي صورتيها من الكليب ويطلعني بغني وبقول الكلام الرومانسي دا للأستاذ ماجد الكدواني مثلاً هو دا يُعقل؟؟!!!!! ”.
وأنهي تامر حديثة قائلا “ أنا زعلان منك جداً يا حلا على مفردات البوست بتاعك غير الموفقة ومستحيل هرد بطريقتك اللي فيها تجريح واتهامات باطلة ليا احتراماً لحجات كتير يمكن فايتاكي بس مش هتفوتني وعلى فكرة أنا واثق إنك عارفة إني مستاهلش منك كدا وهكتفي بالتوضيح دا وربنا يهدي الجميع ويكتبلك كل الخير اللهم آمين”.
