مواطنة تستغيث بـ الرئيس السيسي بعد فقدانها الحركة والسمع فى حادث

استغاثت المواطنة رنا في رسالة لخدمة القرّاء “ بين الناس ” التي يقدّمها موقع "صدى البلد"، بـ الرئيس عبد الفتاح السيسي لـ متابعة حالتها بعد تعرضها لـ حادث و فقدانها السمع والحركة . 

وقالت رانا: “ انا عندي 27سنة  حاليا كنت بنت عادية جدا زي اي بنت لسه هتبتدي حياتها كنت لسه في رابعة كلية تجارة، وفجأة حصلتلي حادثة قلبت حياتي ، دخلت في غيبوبة لمدة شهرين ونص وكنت بين الحياه والموت وعملولي شق حنجري”.

وأضافت : وبعد ما فوقت من الغيبوبة لقيت  نفسي لا بسمع ولا بتحرك وفاقدة كل حواسي تقريبا لفييييت كتتتتتير وصرفت كتتتتير واتبهدلت  كتير وبهدلت اهلي معايا ومحدش عرف أنا عندي إيه طحنتنا ولا حد دلني علي العلاج .

وتابعت رانا : وناس وعدتني بحاجات كتير تخص حالتي ومتعملتش ، نفسي حد يدلني  علي الطريق الصحيح ودكتور يعرف يشخص حالتي مظبوط ويحطني علي أول طريق العلاج ، أنا لا بعرف اكل لوحدي ولا اتحرك لوحدي وأهلي اتبهدلو معايا أوي. 

واختتمت رانا : بناشد سيادتك تتبني بنتك اللي حياتها اتدمرت في لحظة وعندها امل ترجع مش زي الاول حتي عالاقل اعتمد بس علي نفسي انا ودني بس لوحدها فيها وش مستمر شبهه باجور الطاحون حرفيا نفسي كمان يبقي ليها حل عشان ارتاح ساعدني .
 

للتواصل : رقم التليفون 
01205406818
 

ويقدّم موقع "صدى البلد" الإخباري، خدمة بين الناس حرصا منا على التواصل مع القارئ وإيمانًا منا بأن الرسالة الصحفية الأهم التي يحملها الموقع هي خدمة المواطن والعمل على إيصال صوته للمسئولين والمتابعة المستمرة للوصول إلى حل، ويأتي ذلك من خلال الخط الساخن 5731 و01025555056 أو من خلال رقم الواتس آب 01006735360.

ويعمل قسم "بين الناس" دائما على خدمة المواطن أولا من خلال التواصل مع المسئولين والوزارات المعنية ورؤساء الأحياء في حل مشاكل المواطنين في جميع محافظات الجمهورية، ويناشد المسئولين التواصل مع الحالات المنوه عنها لحل مشكلاتهم، تنفيذا لتوجهات الدولة والقيادة السياسية بضرورة تواصل المسئولين مع المواطنين في شتى محافظات الجمهورية والتفاعل مع متطلباتهم والرد على شكاواهم.