أهله خرجوني من البيت بلبوص..هبة: زوجي حاول ذبحي بسبب قضية نفقه.. فيديو

رصد برنامج "تفاصيل"، المُذاع عبر فضائية "صدى البلد 2"، تقديم الإعلامية "نهال طايل"، تفاصيل استغاثة سيدة قام زوجها بتشويه وجهها بالمطواة لطلبها الإنفاق على أطفاله بمحافظة الدقهلية.

وعلقت "هبة"على قيامها برفع قضية نفقة على زوجها قائله: "حاول يدبحني ويتخلص مني أما رفعت نفقة".

وتابعت: "أهله حاولوا يموتوني أكتر من مرة، وفي مرة كنت عايزه آخد حاجتي قفلوا عليا البوابة وضربوني وخرجوني من البيت بلبوص، وخدوا حكم شروع في القتل ضدهم".

وأكملت: "كان بيضربني قدام أهله لدرجة أني شوفت الذل معاهم، وكانوا بيضغطوا عليا علشان اتنازل عن القضية، لدرجة أنهم خطفوا عيالي مني 6 مرات ورجعتهم تاني".

وأشارت: "عاملة 100 محضر ضدهم في قسم الشرطة لحد ما القسم زهق مني"، لافته: "أخوه واخته ضربوني في الشارع، أما خطفوا عيالي مني وروحت علشان أرجعهم ضربوني في الشارع".

ذوي الاحتياجات الخاصة.. مأساة سيدة طلقها زوجها بسبب أطفالها.. فيديو

وروت "هبة"،: تفاصيل طلاقها، قائله: "زوجي طلقني بسبب أن ولادي اتولودا بغدة درقية، وكهرباء زيادة وفرط شديد في الحركة"، متابعة: "كنت بروح الشغل وأرجع أشوف أولادي وأشوف علاجهم وبقالي 6 سنين على هذا الحال".
وأشارت: "طليقي مدفعش ولا جنيه في علاج أولادي، وأهلي هما اللي كانوا بيصرفوا عليا وعلى ولادي، ومكنش بيجي معايا للدكاترة"، مردفة: "واحد في أولى ابتدائي والتاني في تانية ابتدائي".

وأوضحت: "قولت هربي عيالي و أعالجهم لوحدي أصرف على 2 بدل ما أصرف على 3.. لأن أولادي كانوا مولودين ذوي احتياجات خاصة"، لافته: "زوجي كان بيتشغل باليومية واللي كان بيقبضه كان بيجيب بيه حشيش أو سكينه يتخانق بيها مع أصحابه".

وأشارت: "زوجي طلقني بسبب أن ابني ماشي على علاج كهرباء وغدة درقية وفرط شديد في الحركة"، مؤكده: "كنت بجيب علاج أولادي شُكك وخارجة من عندهم من البيت وأنا مديونة بـ25 ألف جنيه".