بسبب منشور على فيسبوك.. شاب كفيف يعود لأسرته من جديد| فيديو

عرضت قناة " أم بي سي مصر 2" تقريرًا مفصلًا عن عودة  شاب كفيف لأسرته بحكم القدر .

في واقعة إنسانية حظيت باهتمام كبير في محافظتي كفر الشيخ والدقهلية عاد شاب كفيف إلى أسرته بعد غياب 21 عاما كاملين ظن فيهم الجميع أن الأمور انتهت ولن يرى الوالد ابنه مجددا.

قال ابن عم والد محمد إبراهيم الشاب الكفيف الذي كان مفقود :" محمد والدته كانت منفصلة عن والده وفي بداية حياته كان مستقر مع والده وكانت والدته بتركبه ميكروباص وتقول للسواق نزله في مكان البنزينة الي والده كان شغال فيها فكان مرة يوصل ومرة يتوه في بلد تانية بس البلاد دي كانت قريبة وكنا بنقدر نلاقيه ".

وقال محمد إبراهيم :" ركبت عربية بصندوق خدتني ومشيت بعيد ومكنتش عارف أنا رايح فين ولما وصلت قبلت واحدة وقلتلها وديني مكان يحافظوا عليا فيه وودتني قسم في اسكندرية وفضلوا يحاولوا معايا عشان يوصلوا لمعلومة يقدروا يرجعوني بيها لأهلي والموضوع انتهى أني روحت القاهرة ".

وأضاف والد محمد خلال التقرير :" المرة دي انقطعت الصلة بينا خالص ومبقاش فيه أي أخبار عنه وبقيت أروح القرى إلي كنت بجيبه منها وسألت ووالدته وأخواته بس مكنش حد عارف عنه حاجة ".

وأضاف  ابن عم والد محمد :" لينا ابن عم في الكفر شافت منشور على صفحة حوادث كفر الشيخ على الفيسبوك وكان البوست ده في 3 أدلة بتأكد أن ده محمد  ابننا ".