EN 
أكد سمير كمونة نجم الأهلي والمنتخب الوطني السابق في تصريحات خاصة لبرنامج "بره الملعب " مع مها السنباطى ،على أون سبورت إف إم ، أن أغرب المواقف التي يتذكرها دائما حدث في معسكر الأهلي في ألمانيا وكان مستر هولمان، بيخلينا نجري 45 دقيقة، في الغابات حيث الأرض غير مستوية واحنا بنجري مش عارف طلع لنا حاجة ضخمة جدا مش عارفين ده كلب ولا حيوان إيه، شوبير وأسامه عرابي وعمرو الحديدي كانوا كبار الفريق وقتها مرة واحدة عملوا اسبرنت وكل اللاعبين جريوا وهولمان مكانش مصدق اللي حصل وخلانا نعيد الجري تاني.
وأضا كمونة: في بوركينا فاسو، سنة 98 في أمم إفريقيا كنا نقيم في مكان غير آدمي بالمرة والعيشة كانت صعبة للغاية وكنا نعيش على الفاكهة والملعبات اللي واخدينها معانا لفترة حتى انقذتنا السفارة المصرية بعد فترة وأحشرت لنا طعام يليق، وبعد عدة أيام كاتبتن جوهري-الله يرحمه- عمل مسابقة وقال أحسن وأنضف شاليه هديله 200 دولار، أنا وهاني رمزي وعمارة وياسر رضوان كنا في شالية واحد، أول ما دخل عندنا شاف زرع وشجر وبيرفيوم والهدوم نظيفة والرائحة كويسة رغم إننا كنا بنغسل اللبس على ايدينا مفيش لاندري زي دلوقتي، عبد الستار ومدحت عبد الهادي وحازم كانوا في شالية واحد غاروا واعترضوا على إننا اللي فزنا وأخدنا المبلغ، فكابتن جوهري قال لحازم "أنا عاوزك تشم شراب عبد الستار صبري هتدوخ".
