أحمد آدم يهاجم زوج مُدرسة المنصورة: "طلاقك ليها مش رجولة"

قال الفنان أحمد آدم، إن مواقع التواصل الاجتماعي خطر خاصة "الفيسبوك"، معقباً: "أنا مسميه السرايا الزرقاء.. أبلكيشن في الضياع وهيضيعنا وهيضيع المجتمع كله".

وأضاف أحمد آدم خلال لقائه مع برنامج "كلام الناس" المُذاع على فضائية "إم بي سي مصر"، قائلاً: "المشكلة إن القنوات الفضائية والتليفزيون عامة بقوا بياخدوا الأخبار بتاعتهم من السوشيال ميديا.. والأخبار بقيت بتتشهر عند الناس كلها".

وتابع الفنان: "اللي بيعمل شير لبوست حتى لو مش عاجبه..  فهو بردو بيكون مساهم ومسئول عنه.. لأن اللي عايز يقضي على السلبيات بيتجاهلها مش بينشرها".

وحول واقعة مدرسة المنصورة، عقب أحمد آدم قائلاً: "اللي صورها هو اللي غلطان.. اللي صور ونشر هو اللي المفروض يتاخذ ضده الإجراء.. لأننا مينفعش نخترق حريات بعض كده سواء كانت عملت حاجة غلط أو صح".

وعن طلاقها علق الفنان: "هو موقف مش حلو من زوجها.. لأن هو طلقها علشان الناس عرفت مش علشان الموقف نفسه.. الموضوع بقاله شهر وأكيد سمعت إنها كانت في الرحلة ووريتك صورة ليها وهي بترقص".

وأكمل أحمد آدم: "طلاقك ليها مش رجولة".