EN 
حل الفنان أحمد السقا، ضيفًا في لقاء تلفزيوني قديم على فضائية "دريم" ومن تقديم الإعلامي عمرو الليثي، وتحدث خلال حواره عن خلع زوجته الحجاب.
وأجاب الفنان أحمد السقا عن سؤال: "هل زعلت لما زوجتك السيدة مها الصغيرخلعت الحجاب؟"، قائلًا: "مش عايزين نتكلم عن الزعل والغضب.. ولكن الحجاب ما هو إلا قدرة وكل واحد يتمنى أن يصل إلى أقصى درجات الالتزام.. والحجاب هو علاقة بين العبد وربه".
وتابع "السقا": "أنا متجوز مراتي العربي بتاعها مكسر ومتعرفش حاجة.. ولكن دلوقتي معها إيجاز من الأزهر في الفقه والشريعة.. وهي دلوقتي أحسن مني"، معقبًا: "تلبس الحجاب تقلع الحجاب دي حاجة بينها وبين ربنا".
وأكمل: "ومفيش حد فينا موكل أنه يحاسب عبد وأنا بتمنى لها الخير وأحب أزقها في الصح لكن أقهرها! لا لأن لو عملت كده هبقى بكرهها في الدين والالتزامات والتعليمات الخاصة به".
واستطرد: "البني آدم لما يوصل للحاجة لوحده ويوصلها بيقين بيكون أحسن كتير.. واللي زعلني في الموضوع ده حاجة واحدة بس ويمكن عمري ما اتكلمت فيها مرة.. بفتح التلفزيون لقيت رجل بيناقش ظاهرة خلع الفنانات للحجاب ولقيته عامل حلقة عن مراتي فاندهشت جدًا".
وأردف: "أنت بتناقش ظاهرة خلع الفنانات للحجاب.. بيتي وحرمة بيتي دخلهم إيه؟ وانا هنا بتكلم على أساس اني رجل شرقي وانها لو كانت فنانة كان حقه النقد ولكن بحدود.. لكن هو بيتكلم عن مراتي ليه بس كله سلف ودين".
شاهد رد فعل "احمد السقا" بعد سؤالة عن سبب خلع زوجته الحجاب..! - YouTube
