ما حكم الاستثمار في البنوك؟.. رد حاسم من خالد الجندي.. فيديو

قال الشيخ خالد الجندى، عضو المجلس الأعلى للشئون الإسلامية، خلال رده  على حكم الاستثمار في البنوك  ومعارضي ربا الفضل، إن آفة الناس أن بعضهم يتكلم بجهل وجهالة ولا يقرأ كتابا و يعارضون، لافتا إلى أنه لو قرأت فى أى كتاب فقهى ستعرف أن قصة الربا أكبر من أى حد فاهم. 

وتابع الجندى: "تسمع عن ربا الفضل ؟ لو قرأت فى أى كتاب فقهىّ عن الربا، هتلاقيهم بيقولولك إن فيه نوعين من الربا.. ربا الفضل .. وربا النسيئة وده فى حد ذاته يلفت انتباهك، هو ليه التقسيمة لما الموضوع منتهى؟ مش هو ربا والسلام ؟.. ده يخليك تستنتج أن القصة أكبر مما أنت فاهم ! هيقولك أن ربا النسيئة ده مفيش خلاف عليه، ده ربا ابن ربا، ومحرم بإجماع الآراء ، وده بالبلدى كده يعنى تسلّف واحد ولو تعثّر فى السداد عند وقوع موعد رد الدَّين، ساعتها تحط شروط جديدة خاصة بزيادة الدَّين أضعاف مضاعفة ، أو كما تريد استغلالاً لظروفه الطارئة ( يعنى مبترضاش تعمل جدولة للديون بلغتنا المعاصرة على عكس البنوك ما بتعمل)طيب إيه ربا الفضل بقى ؟هيقولك بالبلدى كده انك تسلف واحد ، بس بزيادة ، يعنى تسلفه عشرة و تقبضهم اتناشر ألف مثلاً ، هنا بقى ده يشبه تمويل البنوك !! صح ، لكن حصل خلاف بين الصحابة أولاً ، ثم الفقهاء بعد كده بخصوصه .. لمزيد من التفاصيل تابعونا من خلال الفيديو